वीर जिवाजी महाले चौकात वीर मावळा शिल्पाचे लोकार्पण संपन्न
पुणे-बारा बलुतेदार हे गावगाड्यातील सेवा वृत्तीने प्रामाणिकपणे काम करणारा महत्वाचा घटक त्यामुळे त्यांना शासन न्याय देण्यास कटिबध्द असून त्यांचे प्रश्न सोडविण्याचे आश्वासन विधानपरिषदेच्या उपसभापती नीलम गोऱ्हे यांनी दिले . बारा बलुतेदार संघाच्या मागणी व पाठपुराव्यातून तसेच , नगरसेविका पल्लवी जावळे यांच्या विकासनिधीतून साकारलेल्या रास्ता पेठेतील शूरवीर जिवाजी महाले चौकातील वीर मावळा व भव्य पगडीचे त्यांच्या हस्ते लोकार्पण केल्यानंतर झालेल्या भव्य सभेत त्या बोलत होत्या .
या कार्यक्रमाच्या अध्यक्षस्थानी महापौर मुक्ता टिळक , प्रमुख पाहुणे नगरसेविका स्मिता रायकर , नगरसेविका पल्लवी जावळे , बारा बलुतेदार संघाचे प्रदेश अध्यक्ष रामदास सूर्यवंशी , माजी नगरसेविका सोनम झेंडे , नाभिक समाजाच्या जेष्ठ महिला कार्यकर्त्या सुमन पवार , विजय खळदकर , सागर पवार , बेबी कऱ्हेकर आदी मान्यवर उपस्थित होते .
याप्रसंगी बलुतेदार पुण्यभूषण पुरस्कार गुरुवर्य माउली महाराज वाळुंजकर , उपसभापती नीलम गोऱ्हे , महापौर मुक्ता टिळक ,नगरसेविका पल्लवी जावळे , परिट समाज प्रदेश अध्यक्ष देवराम सोनटक्के , शिंपी समाज ना. स. प. चे प्रदेश अध्यक्ष सुधीर पिसे , उद्योगपती जे. बी. सराफ , शिव व्याख्याता सौरभ करडे , जेष्ठ लोककलावंत प्रवीणराजे सूर्यवंशी , सामाजिक कार्यकर्ते रोहित यवतकर व सुनिल शिंदे यांना बारा बलुतेदार संघाच्यावतीने प्रदान करण्यात आला .
सदर कार्यक्रमास कुंभार , शिंपी , नाभिक , चर्मकार , परिट , लोहार , सोनार आदी बलुतेदार समाज मोठ्या प्रमाणात उपस्थित होता . कार्यक्रमानंतर लोकार्पण सोहळा व गणेश उत्सवानिमित्त गणेश भक्ताना महाप्रसादाचे वाटप करण्यात आले .
कार्यक्रम यशस्वी करण्यासाठी बारा बलुतेदार संघाचे सचिव राजेंद्र पंडित , राज्य कार्यकारिणी सदस्य चंद्रशेखर जावळे , पुणे शहराध्यक्ष राजेश भोसले , उमेश क्षीरसागर , सूर्यकांत भोसले , नानासाहेब आढाव , शोभा यवतकर , विनायक गायकवाड , सागर पवार , दत्त्ता पंडित , माउली रायकर , उत्तम मंडलिक , सचिन राऊत , राजू पोटे , बालाजी तिरमकदार , नंदकुमार सुतार , विक्रम थोरात , पांडुरंग शिंदे , बबनराव काशिद , महेश सांगळे , नितीन भुजबळ , सतीश पांडे , तानाजी निढाळकर , राजू रायकर आदींनी प्रयत्न केले .
यावेळी नगरसेविका पल्लवी जावळे यांनी सांगितले कि , वीर मावळा यांचा आदर्श समाजाला प्रेरणादायी आहे , म्हणून या स्मारकाचे पुण्यनगरीत महत्व मोठे राहील असा मला विश्वास राहिल.
या कार्यक्रमाचे प्रास्तविक प्रदेशाध्यक्ष रामदास सूर्यवंशी , यांनी केले तर सूत्रसंचालन चंद्रशेखर जावळे यांनी केले तर आभार सचिव राजेंद्र पंडित यांनी मानले .
