पुणे . नागरिकांशी संवाद साधून त्यांच्या अडीअडचणी सोडविण्यासाठी शिवाजीनगर विधानसभा मतदारसंघात वस्ती संपर्क अभियान आमदार सिद्धार्थ शिरोळे राबवित असून अभियानाचा प्रारंभ खिलारेवाडी येथून नुकताच करण्यात आला.
खिलारेवाडी येथील नागरिकांच्या भेटीगाठी आमदार शिरोळे यांनी घेतल्या. त्यावेळी पुणे भाजपचे सरचिटणीस दत्ताभाऊ खाडे, नगरसेवक दीपक पोटे, माधुरी सहस्त्रबुध्दे, मंजुश्री खर्डेकर, जयंत भावे, भाजप शिवाजीनगर अध्यक्ष रविंद्र साळेगावकर, सरचिटणीस गणेश बगाडे, सरचिटणीस प्रतुल जागडे, शिवाजीनगर युवा मोर्चा अध्यक्ष अपूर्वा खाडे, सामाजिक कार्यकर्ते चित्रसेनदादा खिलारे, हनुमंत पवार, संतोष लांडे आणि महापालिकेचे अधिकारी उपस्थित होते.
येत्या दोन -तीन महिन्यात शिवाजीनगर मतदारसंघातील चाळीस वस्त्यांवर जाऊन नागरिकांची भेट घेणार आहे. राज्य शासन आणि पुणे मनपा यांना समस्या समजावून घेऊन त्यांचे निवारण करणे असा हेतू वस्ती संपर्क अभियानाचा असल्याचे आमदार शिरोळे यांनी सांगितले.
