राष्ट्रवादी चित्रपट व सांस्कृतिक विभागाने पाठपुरावा करून मार्गी लावलेल्या कामाचे श्रेय लाटण्याचा केविलवाना प्रयत्न,
काय आहे प्रकरण ?
५९ व्या महाराष्ट्र हौशी राज्यनाट्य स्पर्धेच्या प्राथमिक, आणि अंतिम स्पर्धेत सहभागी झालेल्या ४४५ नाट्य संस्थांना शासनाकडून अनुदान, निवास,प्रवास भत्ता, बक्षिसाची रक्कम, नाट्यगृह भाडे, तांत्रिक साहित्य भाडे आदी रक्कम शासनाकडून देण्यास विलंब झाल्यामुळे राष्ट्रवादी चित्रपट साहित्य सांस्कृतिक विभागाने सतत पाठपुरावा करून प्रश्न मार्गी लावण्यासाठी जीवाचे रान केले असून आता तो प्रश्न मार्गी लागतोय हे कळताच श्रेय लाटण्याचा केविलवाणा प्रयत्न नाट्यपरिषदेच्या कडून होतांना दिसत आहे हे प्रकार त्यांनी ताबडतोब थांबवावे अशी समज राष्ट्रवादी चित्रपट सांस्कृतिक विभागाचे प्रदेश कार्याध्यक्ष बाबासाहेब पाटील व
राष्ट्रवादी चित्रपट सांस्कृतिक विभागाच्या प्रदेश सरचिटणीस तथा नाट्यपरिषदेच्या उपाध्यक्ष ज्येष्ठ सिनेअभिनेत्री यांनी सविता मालपेकर यांनी घरचा आहेर च दिला आहे.
राष्ट्रवादी चित्रपट व सांस्कृतिक विभाग या प्रश्नांचा गेल्या ६ महिन्यापासून पाठपुरावा करत असून विभागाचे मराठवाडा अध्यक्ष डॉ. सुधीर निकम या प्रश्नाचा मंत्रालय पातळीवर आगदी रोज पाठपुरावा करत आहेत. हे मंत्रालयातील सांस्कृतिक विभागातील तथा वित्त विभागातील अधिकारी सुद्धा सांगतील.
९ सप्टेबर रोजी राष्ट्रवादी चित्रपट व सांस्कृतिक विभागाच्या वतीने प्रदेशकार्याध्यक्ष बाबासाहेब पाटील यांच्या मार्गदर्शनाखाली राज्य समन्वयक संतोष साखरे, मराठवाडा अध्यक्ष डॉ. सुधीर निकम, प्रदेश सरचिटणीस सविता मालपेकर, उपाध्यक्ष विजय पाटकर, सिनेअभिनेते सिद्धेश्वर झाडबुके,कौस्तुभ सावरकर, गिरीश परदेशी, बाळकृष्ण शिंदे, प्रियदर्शन जाधव माया जाधव, शाम राऊत आदीच्या शिष्टमंडळाने महाराष्ट्र राज्याचे उपमुख्यमंत्री अजित पवार, खासदार सुप्रिया सुळे यांची भेट घेवून या विषयी त्यांना निवेदन देवून हौशी कलावंतांची हि अडचण विषद केली होती.
त्यावर अजित पवार यांच्या वतीने तत्काळ सकारात्मक प्रतिसाद मिळाला आणि शासकीय पातळीवर या प्रश्नाला वेग आला. शिष्टमंडळाच्या वतीने डॉ. सुधीर निकम, संतोष साखरे यांच्याकडे या प्रश्नाचा पाठपुरावा करण्याची जबाबदारी देण्यात आली. त्या प्रमाणे सांस्कृतिक मंत्री अमित देशमुख, त्यांचे स्वीय सहाय्यक जावळे, राज्यनाट्य स्पर्धेच्या आयोजनाची जबाबदारी असणारे सांस्कृतिक संचालक चौरे, इतकेच नाही तर वित्त विभागाचे सचिव बाजीराव पाटील यांच्या सर्वांशी वेळोवेळी भ्रमणध्वनीवर पाठपुरावा सुरु केला.
संतोष साखरे यांनी पुण्यात अजित पवार यांची भेट घेवून पुन्हा या प्रश्नासाठी मागणीचे स्मरणपत्र दिले सांस्कृतिक विभागातून वित्त खात्यात सदर फाईल आल्याचे समजताच अजित पवार यांनी तातडीने ती फाईल मागवून घेण्याचे आदेश दिले.आता काही दिवसात महाराष्ट्राच्या हौशी नाट्य संस्थांना त्यांच्या खात्यात त्यांची अनुदान रक्कम शासनाच्या वतीने दिली जाणार हे नक्की. मात्र नाट्यपरिषदेने हे श्रेय स्वतःच्या नावे लाटण्याचा केविलवाणा प्रयत्न चालवला असल्याचे उघड झाले आहे. काय तर म्हणे ४४५ नाट्य संस्थाच्या खात्यात ६ हजार रुपये प्रमाणे रक्कम टाकणार..!
नाट्यपरिषदेकडे मदत करायला रक्कम नाही हे तेच सगळ्या जगाला सांगत होते.होती तर पडद्यामागील कलावंतांना का मदत केली नाही. कोविड काळात कलावंतांना जी मदत केली होती त्यातील बहुतांशी रक्कम सुद्धा राष्ट्रवादी पक्षाच्या वेल्फेअर फंडातून दिली गेली होती हे न कळण्याइतके कलावंत खुळे राहिलेले नाहीत. एक कोटी २० लाख रुपयाच्या निधीतून कोणाला मदत केली नाट्यपरिषद त्यांच्याच संचालकांना सांगायला तयार नाहीत. मग खिश्यात नाही दाणा अन बाजीराव म्हणा सारखी गत असतांना चक्क ४४५ संस्थांना हे कशी काय मदत करणार असा प्रश्न कलावंतांच्या वतीने विचारण्यात येत आहे. नाट्यसंस्थांच्या खात्यात काही दिवसात सांस्कृतिक संचालनालयाचे जमा होणारे पैसे आम्ही दिलेले आहेत असा अपप्रचार उद्या कलावंतांच्यात करण्याचा केविलवाणा प्रयत्न नाट्यपरिषद करत आहे. हे त्यांनी तत्काळ थांबवावे असा इशारा राष्ट्रवादी चित्रपट व सांस्कृतिक विभागाच्या वतीने देण्यात आला आहे.
