पुणे-ई कचरा संकलन आणि त्याची शास्त्रीय पद्धतीने विल्हेवाट लावणे हे अत्यावश्यक असून ई वेस्ट चा प्रश्न दिवसेंदिवस गंभीर होत आहे यासाठी मी प्रभाग १३ मधील सर्व प्रमुख वस्ती व सोसायटी भागात कायमस्वरूपी ई कचरा संकलनासाठी बकेटस ची व्यवस्था करत असून नागरिकांनी त्यात आपल्या कडील ई कचरा साठवावा असे नगरसेविका मंजुश्री खर्डेकर म्हणाल्या.त्याचे नियमित पणे संकलन करुन शास्त्रोक्त पद्धतीने विल्हेवाट लावण्याची यंत्रणा उभारली असल्याचे ही त्यांनी स्पष्ट केले.दर महिन्याच्या शेवटच्या शनिवारी त्यांच्या पुढाकाराने आयोजित ई कचरा संकलन मोहीमेच्या निमित्ताने आयोजित कार्यक्रमात सौ मंजुश्री खर्डेकर बोलत होत्या. पुणे महानगरपालिकेचे कर्वेनगर वारजे क्षेत्रीय कार्यालय,क्रिएटिव्ह फौंडेशन,श्री रिसायकलर्स आणि कमींस इंडिया यांच्या सहकार्याने आयोजित अभियानात ३०० किलो ई कचरा संकलन करण्यात आले.यावेळी क्रिएटिव्ह फौंडेशन चे अध्यक्ष संदीप खर्डेकर,श्री रिसायकलर्स चे श्री. विनीत बियाणी,वरिष्ठ आरोग्य निरीक्षक श्री गणेश खिरीड,आरोग्य निरीक्षक फकीर शेख,राहुल शेळके व किरण गुरव इ उपस्थित होते.
प्रभाग १३ मधील स्वप्नशिल्प सोसायटी,तारा टॉवर्स,आनंद रेसीडेंसी,पॅलॅडियम,चिंतामणी हेवन,पिनाक फेज १ व फेज २,अर्चनानगर,करिष्मा सोसायटी येथे आज हे अभियान राबविण्यात आले.
संयोजन नगरसेविका मंजुश्री खर्डेकर यांनी केले तर सूत्रसंचालन व नियोजन डी एस आय खिरीड यांनी केले.
