पुणे- शहरात विध्यार्थ्यांना खेळण्यासाठी मैदाने कमी पडत आहेत. त्यांच्या क्रीडा कौशल्यासाठीच्या विकासासाठी मैदानांची मोठ्या प्रमाणावर गरज आहे. पुणे महापालिकेच्या विकास आराखड्यात मैदाने ब क्रीडांगणासाठी आरक्षण टाकण्यात आली आहेत. हि आरक्षणे बदलू नयेत यासाठी सर्वानी प्रयत्न करण्याची गरज आहे. वेळ पडली तर त्यासाठी सर्वानी सर्वसमावेशक भूमिका घेण्याची गरज आहे. असे प्रतिपादन खासदार वंदना चव्हाण यांनी शनिवारी सायंकाळी महेश बालभवनच्या रौप्यमहोत्सवी कार्यक्रमात व्यक्त केले.
कोथरूड येथील महेश बालभवन च्या रौप्यमहोत्सवी वर्षाच्या सांगता समारंभ कोथरूड येथील यशवंतराव चव्हाण नाट्यगृहाच्या सभागृहात काल शनिवारी सायंकाळी आयोजित करण्यात आला होता. त्यावेळी खासदार चव्हाण प्रमुख पाहुणे म्हणून बोलत होत्या. पुण्याच्या महापौर सौ. मुक्ता टिळक यांच्या हस्ते रौप्य्महोत्सवी वर्षानिमित्त काढण्यात आलेल्या स्मरणिकेचे प्रकाशन याप्रसंगी करण्यात आले.यावेळी स्थायी समितीचे अध्यक्ष मुरलीधर मोहोळ ,प्रसिद्ध उद्योगपती महेश नागरी मल्टीस्टेट सहकारी पतसंस्थचे अध्यक्ष श्री धनराजजी राठी, माहेश्वरी विद्या प्रचारक मंडळाचे अध्यक्ष अतुल लाहोटी, महेश बालभवनच्या अध्यक्षा सौ. संगीत लाहोटी,सचिव गणेश मुंदडा, कार्याध्यक्ष रमेश धूत, सचिव सुशीला राठी, सुरेखा करवा, सदस्य श्रीमती अंजली तापडिया, श्री मनोज कास्ट आदी मान्यवर उपस्थित होते. यावेळी बालभवनच्या विध्यार्थ्यानी विविध सांस्कृतीक कार्यक्रम सादर करून उपस्थितांची दाद मिळवली. तसेच विजेत्या विध्यार्थ्यांना पारितोषिके यावेळी महापौर मुकता टिळक, खासदार वंदना चव्हाण, मुरलीधर मोहोळ, श्री धनराजजी राठी यांच्या हस्ते प्रदान करण्यात आली.
याप्रसंगी बोलताना खासदार चव्हाण म्हणाल्या कि, पुणे शहरात पूर्वी मुलांना खेळण्यासाठी भरपूर मैदाने होती. आत्ता मैदानांची संख्या कमी होत चालली आहेत. हे लक्षात आल्यांनंतर आम्ही पुणे मनपाच्या विकास आराखड्यात मैदाने बी क्रीडांगणासाठी आरक्षणाची तरतूद केली. काळाच्या ओघात ती बदलण्याचा प्रयत्नही झाला. तो आम्ही वेळीच विरोध करून थांबवले. आत्ता मुलांच्या क्रीडा कौशल्याच्या विकासासाठी मैदाने वाचवण्यासाठी सर्वानी एकत्र येण्याची गरज आहे.
महापौर टिळक आपल्या भाषणात म्हणाल्या कि मुलांच्या बुद्धीच्या विकासासाठी सर्वचजण झटत आहेत. परंतु मुलांच्या मानसिक परिस्थितीकडे आपण दुर्लक्ष करतो. त्यामुळे काही मुले मानसिदृष्ट्या कमकुवत होतात. हे चित्र बदलण्याची गरज आहे. त्यासाठी सर्वानी मुलांच्या अभ्यासाबरोबरच त्यांचे मानसिक स्वास्थ चांगले राहण्यासाठी प्रयत्न करण्याची गरज आहे.
बालभवनच्या अध्यक्षा संगीता लाहोटी यांनी प्रास्ताविक भाषणात संस्थेच्या प्रगतीविषयी माहिती देताना सांगितले कि, बालभवन संस्थेने पालकांमध्ये चांगलाच विश्वास निर्माण केला. बालभवनच्या विध्यार्थ्यानी संपूर्ण भारतात संस्थेचे नाव रोशन केले. याप्रसंगी श्री राठी, मोहोळ आदींची भाषणे झाली. उपस्थितांचे आभार गणेश मुंदडा यांनी मानले.सूत्रसंचालन संगीत पिपंळीकर यांनी मानले
