पुणे-शारदा शक्ति या महाराष्ट्रातील महिला संघटनेतर्फे शक्ति स्थापना दिवस निमित्त रविवार दि. २४ मार्च रोजी
सामाजिक योगदान देणाऱ्या औरंगाबादच्या सविता कुलकर्णी यांना शक्ति प्रेरणा पुरस्कारआणि युवा
कर्तृत्वाबद्दल बदलापूरच्या रेश्मा राठोड या युवतीसआय शक्ति सपोर्ट; या पुरस्काराने गौरविले जाणार आहे.
राष्ट्रसेविका समितीच्या पुणे कार्यवाह मीनाताई कानडे कार्यक्रमाच्या प्रमुख असतील. हा कार्यक्रम कर्वे
रस्त्यावरील डेक्कन कॉर्नर येथे असणाऱ्या स्वातंत्र्यवीर सावरकर अध्यासन केंद्र येथे दिनांक २४ मार्च रोजी
सकाळी १० वाजता सुरु होणार आहे.
विज्ञान आणि तंत्रज्ञान यांच्या माध्यमातून महिलांचे सक्षमीकरणासाठी शक्ति ही संस्था देशात कार्यरत आहे.
दिनांक २२ मार्च या राष्ट्रीय शक्ति स्थापना दिनानिमित्त शारदा शक्ति या पुणे शाखेतर्फे २४ मार्च रोजी
पुरस्कार वितरण कार्यक्रम आयोजित करण्यात आला आहे.
सातत्याने सामाजिक काम करणारी महिला आणि परिस्थितीशी संघर्ष करीत यश मिळवणाऱ्या युवतीस
दरवर्षी पुरस्कार देऊन गौरविले जाते. मानपत्र आणि भेटवस्तू, असे शक्ति प्रेरणा पुरस्काराचे स्वरूप आहे.
तसेच प्रशस्तीपत्र, ५००० रुपये रोख आणि भेटवस्तू असे आय शक्ति सपोर्ट पुरस्काराचे स्वरूप आहे.
स्त्री शक्ति प्रेरणापुरस्काराच्या यंदाच्या मानकरी औरंगाबादच्या सविता कुलकर्णी या बालपणापासून
राष्ट्रसेविका समितीशी संबंधित असून त्यांनी बीड, आंबेजोगाई, रायगड जिल्हा आदि ठिकाणी सामाजिक
जबाबदाऱ्या पार पाडल्या. १९९२ पासून औरंगाबाद येथे डॉ. बाबासाहेब आंबेडकर वैद्यकीय प्रतिष्ठानच्या डॉ.
हेडगेवार रुग्णालयाअंतर्गत गुरुवर्य लहूजी साळवे आरोग्य केंद्रात सामाजिक कामास त्यांनी प्रारंभ केला.
याबरोबरच सावित्रीबाई फुले महिला एकात्म समाज मंडळाची त्यांनी स्थापना केली. तसेच ४५ महिला बचत
गटांची स्थापना केली. याशिवाय अन्नपूर्णा अन्नपदार्थ प्रशिक्षण, रचना शिवणकला प्रशिक्षण, दर्पण ब्युटीशियन
प्रशिक्षण, आभूशिका आभूषण प्रशिक्षण केंद्रांद्वारे १५०० हून अधिक महिलांना प्रशिक्षण देऊन महिलांना
रोजगाराची संधी उपलब्ध केली. तेजस्विनी महिला प्रकल्पाच्या माध्यमातून २५ सेवा वस्त्यांमध्ये सामाजिक
नेतृत्वगुण विकास, रक्तक्षय निवारण, नवदांपत्य समुपदेशन, स्वावलंबन या विषयातही त्या काम करीत आहेत.
याशिवाय २५ सेवा केंद्रांमध्ये किशोरी प्रकल्प आणि ममता बालवाडीचे त्यांचे काम चालू आहे. त्यांना अनेक
पुरस्कारांनी सन्मानित करण्यात आलेले आहे.
यंदाच्या ;आय शक्ति सपोर्ट पुरस्काराची मानकरी बदलापूरची रेश्मा राठोड ही राष्ट्रीय खो-खो पटू आहे.
बदलापूरमध्ये एका लहान घरात राहणाऱ्या रेश्माने मोठा भाऊ व बहिण यांच्या प्रोत्साहनाने खो खो खेळत
आंतरशालेय खो-खो स्पर्धा, महापौर चषक खो-खो स्पर्धा याबरोबरच जिल्हा, राज्य आणि राष्ट्रीय
पातळीवरील खो खो स्पर्धांमध्ये सहभाग घेत आपल्या क्रीडा नैपुण्याची चमक दाखवली. भोपाळ येथे झालेल्या
राष्ट्रीय कुमार-कुमारी खो-खो स्पर्धेत तिच्या खेळामुळेच महाराष्ट्राला विजेते पद मिळाले. याचवर्षी प्रतिष्ठेच्या
जानकी पुरस्काराने तिला सन्मानित करण्यात आले. तसेच खेलो इंडिया खेलो= चा ऑल राऊंडर हा
पुरस्कारही तिला देण्यात आला. नुकतीच तिने १२ वी ची परीक्षा दिली आहे.
