पुणे – विधानसभेसाठी युती होणार, हे स्पष्ट असले तरी 8 पैकी कोणते मतदारसंघ भाजपकडून शिवसेनेला सोडण्यात येणार यावर चर्चा रंगत असताना शिवाजीनगर आणि हडपसर हे दोन विधानसभा मतदार संघ सेनेला देण्यास मुख्यमंत्री अनुकूल असल्याचे वृत्त आहे . यामुळे विद्यमान आमदार विजय काळे आणि योगेश टिळेकर यांचे राजकीय पुनर्वसन नेमके कसे होणार ? कि होणार नाही यावर देखील चर्चा होते आहे.
भाजप प्रदेशाध्यक्ष चंद्रकांत पाटील यांनी युती आणि जागावाटपावर नुकतेच भाष्य केले. त्यावेळी त्यांनी ” निवडणुकीत युती होणार आहे. विद्यमान आमदारांचे मतदारसंघ बदलण्यात येणार नाहीत. उर्वरित मतदार संघ निम्मे वाटून घेण्यात येतील,’ असे स्पष्ट केले. हा फॉर्म्युला मान्य केला, तर पुण्यात सध्या आठही जागांवर भाजपचे आमदार आहेत. त्यामुळे सध्या शिवसेनेला संधी मिळेल, अशी शक्यता कमी आहे. तर, शहरातील प्रत्येक आमदार “विधानसभा मीच लढविणार’ असे स्पष्ट सांगत आहे.असे असले तरी सर्वाधिक टांगती तलवार विजय काळे आणि योगेश टिळेकर यांच्यावर असल्याचे त्यांनाही ठाऊक असल्याचा दावा देखील केला जातोय . याच अनुषंगाने शिवाजीनगर आणि हड़पसर येथून शिवसेनेच्या इछुकांनी काम सुरु केल्याचे सांगण्यात येते आहे,.
