पुणे – आक्षेपार्ह छायाचित्र व व्हिडिओ प्रसारित करण्याची धमकी देऊन खंडणी मागितल्याने काही दिवसापूर्वी धनकवडीतील तरुणाने आत्महत्या केल्याचा प्रकार घडला होता.त्या संदर्भात सहकारनगर पोलिस ठाण्यात गुन्हा दाखल करण्यात आला होता. सहकारनगर पोलीस सदर गुन्ह्याचा तपास करीत होते. अखेर त्यांना आरोपीस पकडण्यात यश आले.
पोलिसांनी दिलेल्या माहिती नुसार महिलेचा व्हॉटसअॅप डिपी असलेला मो.क्र मयत मुलासोबत व्हॉटसअॅपवर चॅटिंग व व्हिडीओ कॉलींग करून त्याचा न्युड व्हिडीओ बनवुन तो न्युड व्हिडीओ फेसबुक, इन्स्टाग्राम, मॅसेंजर, ट्विटर, यु ट्युब, फेसबुक टॅग फ्रेंड या सोशल मिडीया साईटवर अपलोड करण्याची धमकी देवुन, मयत इसमाकडुन वेळोवेळी एकुण ४,५००/- रूपये जबरदस्तीने फोन पे वर पाठविण्यास भाग पाडले. त्यानंतर देखिल वारंवार मयत इसमास त्याचे न्युड व्हिडीओ सोशल मिडीयावर अपलोड करण्याची भिती दाखवुन त्याला मानसिक त्रास दिल्याने त्याने मै सुसाईड कर रहा हूं” असा मॅसेज केला,तरी सुध्दा त्यास करो मै व्हिडीओ ऑनलाईन करता हूं” असे म्हणुन सतत पैशाची मागणी करुन आत्महत्या करण्यास भाग पाडले आहे. त्याबाबत सहकारनगर पोलीस ठाणेस गु. रजि. नं. २१७ / २०२२ भा.दं.वि. कलम ३०६,३८४ व माहिती तत्रंज्ञान अधिनियम २००० चे कलम ६६ (डी), ६७ (अ) अन्वये गुन्हा दाखल करण्यात आला होता.गुन्हयाचा तपास चालू असताना आरोपीने गुन्हयात वापरलेल्या मोबाईलचे तांत्रीक विश्लेषण करुन आरोपीचे राहते ठिकाणाची माहिती प्राप्त करुन सहकारनगर पोलीस ठाणे कडील तपास टिम स्थापन करून त्यामध्ये पोलीस उपनिरीक्षक हसन मुलाणी, पोलीस अंमलदार संजय गायकवाड, सागर सुतकर, निखील राजीवडे व सागर कुंभार यांना वरिष्ठांचे आदेशाने रायपुर सुकेती ता. सिकरी जि. भरतपुर, राजस्थान येथे पाठवली. व तेथे जावुन संशयीत आरोपीचा ठाव ठिकाणाबाबत माहिती घेवुन तेथील स्थानिक पोलीसांचे मदतीने सलग ८ दिवस व रात्रीची रेकी करुन अखेर आरोपीस ताब्यात घेण्यात आले. त्या वेळी गावातील ग्रामस्थांनी पोलिसांवर दगड फेक सुद्धा केली पोलिसांनी आरोपीस पकडून त्याला न्यायालयात हजर केले.न्यायालयाने आरोपीस पोलीस कस्टडी सुनावली आहे.सदरची कामगिरी पोलीस आयुक्त, पुणे शहर, रितेश कुमार,पोलीस सह- आयुक्त, संदिप कर्णिक, पोलीस उप-आयुक्त, परि-०२, श्रीमती स्मार्तना पाटील, सहाय्यक पोलीस आयुक्त, स्वारगेट विभाग,श्रीमती सुषमा चव्हाण, वरिष्ठ पोलीस निरीक्षक सहकारनगर पोलीस ठाणे सावळाराम साळगांवकर यांचे मार्गदर्शनाखाली करण्यात आली आहे. दाखल गुन्हयाचा अधिक खोलात तपास वरिष्ठ पोलीस निरीक्षक सावळाराम साळगांवकर,सहकारनगर पोलीस ठाणे हे करीत आहेत.
