कोश्यारी हटाव साठी १३ ला पुणे बंद ची हाक

पुणे-छत्रपती शिवाजी महाराज यांच्याबद्दल राज्यपाल भगतसिंह कोश्यारी यांनी वादग्रस्त विधान केल्याच्या निषेधार्थ राज्यभरात ठिकठिकाणी आंदोलन केली जात आहे.त्या पार्श्वभूमीवर आज पुण्यातील एसएसपीएस कॉलेजच्या मैदानावरील छत्रपती शिवाजी महाराज यांच्या पुतळ्यासमोर शहरातील विविध संघटनांच्या प्रतिनिधींनीची बैठक आयोजित केली होती. त्या बैठकीमध्ये राज्यपाल भगतसिंह कोश्यारी यांच्या निषेधार्थ १३ डिसेंबर रोजी पुणे बंद ठेवण्याचा एकमताने निर्णय घेण्यात आला.यावेळी राष्ट्रवादी काँग्रेस पक्षाचे शहराध्यक्ष प्रशांत जगताप,काँग्रेस पक्षाचे शहर अध्यक्ष अरविंद शिंदे, शिवसेनेचे शहरप्रमुख संजय मोरे, गजानन थरकुडे,संभाजी ब्रिगेडचे संतोष शिंदे यांच्यासह विविध संघटनांचे प्रतिनिधी बैठकीला उपस्थित होते.छत्रपती शिवाजी महाराज यांच्याबद्दल आजपर्यंत भाजपच्या नेत्याकडून अनेक वेळा अपमान करण्याच काम झाल आहे.त्याच दरम्यान राज्यपाल भगतसिंह कोश्यारी यांनी विधान केले आहे.या विधानाला जवळपास महिना होत आला.तरी देखील राज्यपालांवर भाजप नेतृत्व कोणत्याही प्रकारची कारवाई करीत नाही.ही निषेधार्थ बाब असून या घटनेच्या निषेधार्थ १३ डिसेंबर रोजी पुणे बंदचा निर्णय सर्व संघटनांच्या प्रतिनिधींनी एकमताने एक बैठक घेतला असल्याचे संभाजी ब्रिगेडचे संतोष शिंदे यांनी सांगितले. तसेच जो पर्यंत राज्यपाल भगतसिंह कोश्यारी यांना हटविले जात नाही. तो पर्यंत आमचा लढा सुरूच राहणार असल्याचेही शिंदे म्हणाले.