“लडकी हूँ लड सकती हूँ” प्रियांका गांधींंच्या घोषणेने महिलांना स्वबळाचा जाणीव – पूजा आनंद

महिलांची आणि काँग्रेस पक्षाची ताकद वाढविण्याचा पुणे शहर महिला काँग्रेसचा निर्धार
पुणे – अखिल भारतीय काँग्रेसच्या महासचिव प्रियांका गांधी यांनी “लडकी हूँ लड सकती हूँ” अशी घोषणा दिली आहे. या घोषणेमुळे महिला कार्यकर्त्यांना स्वबळाची जाणिव त्यांनी करून दिली. आजा त्यांच्या वाढदिवसाच्या निमित्ताने आपण सर्व महिला कार्यकर्त्या काँग्रेस पक्षाची ताकद वाढवण्याचा निर्धार करू असे आवाहन पुणे शहर महिला काँग्रेसच्या अध्यक्षा आणि खडकी कँन्टोन्मेंट बोर्डाच्या नगरसेविका पूजा मनिष आनंद यांनी आज काँग्रेस भवनात झालेल्या
कार्यक्रमात केले.
पक्षाच्या महासचिव प्रियांका गांधी यांना वाढदिवसानिमित्त शुभेच्छा देण्यासाठी कार्यक्रमाचे आयोजन काँग्रेस भवनात करण्यात आले होते. यावेळी प्रदेश उपाध्यक्ष मोहन जोशी, कमल व्यवहारे, नगरसेवक रविंद्र धंगेकर, संगीता तिवारी, नगरसेविका लता राजगुरू, नगरसेविका सुजाता शेट्टी, नगरसेविका वैशाली मराठे नगरसेवक रफिक शेख, यांच्यासह शोभा पणीकर, पल्लवी सुरसे, इंदिरा आहिरे, नंदा ढवरे, रमा भोसले, अंजली सोलापूरे, स्वाती शिंदे, रोहिणी मल्लव, प्राची दुधाने, सुंदराताई ओव्हाळ, आदी महिला पदाधिकारी व कार्यकर्त्या मोठ्या संख्येने उपस्थित होत्या.
लडकी हूँ लड सकती हूँ अशी घोषणा देऊन पूजा आनंद म्हणाल्या, या घोषणेमुळे महिला कार्यकर्त्यांचे मनोबल वाढले आहे. त्यांच्यासह सर्व उपस्थितांनी यावेळी समाजातील अपप्रवृत्तीविरूद्ध लढणाचा, तसेच समाजातील सर्व घटकांना समावून घेत पक्षाची ताकद वाढवण्याचा निर्धार व्यक्त केला. त्यानंतर केक कापून प्रियांका गांधी याना शुभेच्छा देण्यात
आल्या. कार्यक्रमाचे प्रास्ताविक पल्लवी प्रशांत सुरसे यांनी केले तर आभार शोभना पणिकर यांनी मानले.