भाजपा अध्यक्ष लोढ़ा ह्यांची मुख्यमंत्र्यांकडे तक्रार
मुंबई. कोरोना संकटात लॉक डाउन सुरू असतानाही आंतरराष्ट्रीय शाळांद्वारे मागण्यात येणारी फीस व सरकारी यंत्रणांच्याद्वारे सुरू असलेले विविध करांची वसुली तत्काळ थांबवावी, अशी मागणी मुंबई भाजपाचे अध्यक्ष मंगल प्रभात लोढ़ा ह्यांनी मुख्यमंत्री उद्धव ठाकरेंकडे एका पत्राद्वारे केली आहे.
मुख्यमंत्र्यांना पाठवलेल्या पत्रामध्ये भाजपा अध्यक्ष लोढ़ा ह्यांनी सरकारला म्हंटले आहे की, मुंबईमध्ये काही आंतरराष्ट्रीय शाळा आपल्या विद्यार्थ्यांची फीस भरण्यासंदर्भात नातेवाईकांना सांगत आहे. लोक सध्या तर घरी बसून आहेत आणि बाहेर सर्व काही व शाळासुद्धा बंद आहेत. तरीही शाळा ऑनलाईन ट्रान्सफर करण्यासाठी दबाव आणत आहेत व त्यामुळे पालक अतिशय तणावात आहेत. ह्याच प्रकारे महानगरपालिका व काही अन्य सरकारी विभाग लॉक डाउनच्या स्थितीतही लोकांकडून वेगवेगळे कर इ. वसुलीची सक्ती करत आहेत व त्यांना नोटीसही पाठवत आहेत. लोढ़ा ह्यांनी सरकारला लिहिले आहे की, आंतरराष्ट्रीय संकटाच्या ह्या काळात भारतीय रिजर्व बँक व अन्य बँका तसेच आर्थिक संस्थांच्या वसुलीला तीन महिने पुढे ढकलण्याचे आदेश सरकारने दिले आहेत. त्याच धर्तीवर सार्वजनिक हिताशी संबंधित ह्या दोन महत्त्वपूर्ण विषयांसंदर्भात राज्य सरकारने नोंद घ्यावी व फीस वसूली तसेच सरकारी कराच्या मागणीला थांबवण्याचा आदेश जारी करावा. त्यांनी म्हंटले की, जनता कोरोनासारख्या महामारीच्या संकटाला सामोरे जाताना आधीच अडचणीत आहे आणि त्यात सरकारी यंत्रणा व शाळा नोटीस पाठवून जनतेला त्रस्त करत आहेत.
कोरोना संकटात अडकलेल्या लोकांना मदत करण्याच्या ह्या मागणीबरोबरच भाजपा मुंबई शहर अध्यक्ष लोढ़ा ह्यांनी मुख्यमंत्र्यांना धन्यवादसुद्धा दिले आहेत. त्यांनी लिहिले आहे की, कोरोना व्हायरसच्या विरोधात मुख्यमंत्री म्हणून महाराष्ट्रात ते व राष्ट्रीय पातळीवर पंतप्रधान नरेंद्र मोदी अत्यंत जागरूकता ठेवून महत्त्वाचे व प्रभावी असे काम करत आहेत. अशा भीषण आपत्तीच्या काळात आंतरराष्ट्रीय शाळांच्या फीस वसुलीला अटकाव करावा व सरकारी विभागांची वसुली थांबवण्यासंदर्भात जनतेच्या हिताच्या दृष्टीने लवकरात लवकर निर्णय घ्यावा व जनतेला दिलासा द्यावा, अशी आग्रहाची विनंती त्यांनी सरकारकडे केली आहे.
