मुंबई : महिनाभरापासून बंद असलेली पश्चिम उपनगरातील प्रसिद्ध मुंबई केंब्रिज इंटरनॅशनल शाळा शुक्रवारपासून पुन्हा सुरू होणार. अंधेरी पूर्व येथे असलेल्या या शाळेच्या परिसरात विद्यार्थी, पालकांच्या प्रचंड गर्दीत आणि शाळेच्या व्यवस्थापकांच्या उपस्थित मुंबई भाजप अध्यक्ष आमदार मंगलप्रभात लोढा यांनी आज ही घोषणा केली. महापालिकेच्या उच्च अधिकाऱ्यांशी संवाद साधून आमदार लोढा यांनी तात्काळ शाळेचे पाणी आणि विद्युत पुरवठा पुन्हा सुरू करण्याची कारवाई केली. भाजप अध्यक्ष लोढा यांच्यासह यावेळी शाळेच्या परिसरात स्थानिक आमदार पराग अलवणी, भाजपचे महामंत्री अमरजीत मिश्र, नगरसेवक सुनील यादव तसेच मोठ्या संख्येने कार्यकर्ते उपस्थित होते.
अंधेरी येथील जे बी नगर येथे असलेली केंब्रिज इंटरनॅशनल शाळा गेल्या महिनाभरापासून बंद असून, महिन्याभरापासून त्रस्त असलेले विद्यार्थी व पालकांनी येथे गुरुवारी सकाळपासूनच मोठी गर्दी केली होती. ही शाळा पुन्हा सुरू व्हावी अशी मागणी विद्यार्थी आणि पालकांकडून केली जात होती. मात्र काही दिवसांपूर्वी महानगरपालिकेने शाळेचा विद्युतप्रवाह खंडित करून पाणीपुरवठा देखील थांबला होता. यामुळे निराश असलेले शाळेचे व्यवस्थापक आणि महानगरपालिका यांच्या तर्फे दाखवण्यात येणारा असहयोग पाहता शाळा पुन्हा सुरू होण्याचे चिन्ह दिसत नव्हते. यावेळी आंदोलनात सहभागी झालेला काही लोकांनी मुंबई भाजप अध्यक्ष व आमदार लोढा यांना संपर्क करून या प्रकरणात हस्तक्षेप करण्याची मागणी केली. महापालिकेच्या अधिकाऱ्यांवर आमदार लोढा यांनी नागरिकांच्या भावना लक्षात घेऊन भविष्यात विद्यार्थ्यांना होणारे नुकसान त्वरित थांबवण्यात करिता शाळेचे विद्युत व पाणी पाणीपुरवठा त्वरित सुरू करण्यासाठी दबाव निर्माण केला. शुक्रवारपासून शाळा पुन्हा सुरू होण्याच्या बातमीने शाळा व्यवस्थापक संतुष्ट असून, हजारो विद्यार्थ्यांच्या पालकांमध्ये आनंदाचे वातावरण आहे.
महिनाभरापासून बंद असलेल्या मुंबई केंब्रिज इंटरनॅशनल शाळा शुक्रवारी पुन्हा सुरू होण्याच्या घोषणेने महिनाभरापासून त्रस्त असलेले विद्यार्थी आणि पालकांना दिलासा मिळाला आहे. यावेळी शाळा व्यवस्थापक आणि पालकांनी भाजपाध्यक्ष लोढा आणि आमदार अलवणी यांचे आभार व्यक्त केले. शाळेच्या परिसरात जमलेल्या शेकडो पालकांनी शाळा सुरू होण्याच्या घोषणेचे टाळ्या वाजवून स्वागत केले.
