एम ए रंगूनवाला दंत रुग्णालयाचा उपक्रम
पुणे :’ जागतिक तंबाखू विरोधी दिना ‘ (३१ मे )निमित्त महाराष्ट्र कॉस्मॉपॉलिटन एज्युकेशन सोसायटीच्या एम ए रंगूनवाला दंत रुग्णालयातर्फे जनजागृती मोहीम आयोजित करण्यात आली .आझम कॅम्पस (पुणे कॅम्प ) येथे हा कार्यक्रम झाला .
२५ मे ते ३१ मे अखेर तंबाखूविरोधी जनजागरण सप्ताह साजरा करण्यात आला. व्याख्यांने,विविध स्पर्धांचे आयोजन करण्यात आले होते.
आज ( शुक्रवारी ) ३१ मे रोजी या सप्ताहाचा समारोप करण्यात आला. रंगूनवाला दंत महाविद्यालयाचे रजिस्ट्रार ए आर शेख अध्यक्षस्थानी होते.डॉ. अमिता आदित्य, डॉ. रेणुका नगराळे यांनी तंबाखू, आणि तंबाखूजन्य पदार्थांच्या व्यसनाचे दुष्परिणाम, व्यसनमुक्तीचे उपाय याबाबत मार्गदर्शन केले.
डॉ. विनोद व्ही.सी. यांनी रंगूनवाला दंत महाविद्यालयातील तंबाखू व्यसनमुक्ती केंद्राच्या कार्याची माहिती दिली.
जनजागृती उपक्रमातील यशस्वी विद्यार्थी, विद्यार्थिनींना डॉ अमिता आदित्य ,डॉ रेणुका नागराळे ,दीपक बीडकर यांच्या हस्ते प्रमाणपत्रे देण्यात आली.
