पुणे ः‘श्री जंगली महाराज देवस्थान ट्रस्ट’ आयोजित सद्गुरू 128 व्यां श्री जंगली महाराज पुण्यतिथी उत्सवाची सांगता नुकतीच झाली.गुढीपाडवा ते चैत्र पौर्णिमाअखेर पंधरा दिवस विविध कार्यक्रमांचे आयोजन करण्यात आले होते.या पंधरवड्यात श्री सद्गुरू जंगली महाराज समाधीस अभ्यंग स्नान, पारायण, भजन, व्याख्याने, संगीत सभा, महाराजांच्या पादुकांची पालखीतून मिरवणूक आणि महाप्रसाद अशा कार्यक्रमांचे आयोजन करण्यात आले होते.सद्गुरू ‘श्री जंगली महाराज पुण्यतिथी उत्सव समिती’, ‘श्री सद्गुरू जंगली महाराज भजनी मंडळ’, ‘श्री जंगली महाराज देवस्थान ट्रस्ट’ने संयोजन केले.ट्रस्टचे अध्यक्ष सी. एल. शिरोळे, श्री सद्गुरू जंगली महाराज भजनी मंडळाचे अध्यक्ष तेजस तापकीर यांनी आभार मानले.
