मुंबई – हिंदी चित्रपटसृष्टीत अजरामर गाणी गायोलेले लोकप्रिय महान गायक दिवंगत पद्मश्री मोहम्मद रफी यांचा मरणोत्तर भारतरत्न किताबाने गौरव करावा अशी मागणी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केली आहे. या मागणीचे पत्र पंतप्रधान नरेंद्र मोदी आणि मुख्यमंत्री उद्धव ठाकरे यांना रामदास आठवले यांनी पाठविले आहे.
लोकप्रिय गायक मोहम्मद रफी यांना भारतरत्न ‘किताब मिळण्यासाठी ची शिफारस महाराष्ट्र्र सरकार ने केंद्र सरकारकडे करावी तसेच पंतप्रधान नरेंद्र मोदींकडे आपण पत्र पाठवून दिवंगत पद्मश्री मोहम्मद रफी यांना भारतरत्न मिळण्यासाठी प्रयत्न करणार आहे असे ना रामदास आठवले यांनी सांगितले.
दिवंगत पद्मश्री मोहम्मद रफी यांनी अजरामर गीते गाऊन जनमानसाला दिलासा देण्याचा प्रयत्न केला. हिंदी चित्रपटसृष्टीतील पार्श्वगायक म्हणून मोहम्मद रफी यांचे योगदान अतुलनीय आहे. त्यांचा नुकताच 31 जुलै रोजी 40 वा स्मृतिदिन संपन्न झाला. त्यानिमित्त रिपाइं चे मुंबई अध्यक्ष गौतम सोनवणे आणि कपिल कला केंद्र चे कपिल खरवार यांनी केंद्रियराज्यमंत्री रामदास आठवले यांची भेट घेऊन दिवंगत पार्श्वगायक पद्मश्री मोहम्मद रफी यांना भारतरत्न ‘किताब द्यावा या मागणी चे निवेदन दिले. यावेळी दिवंगत पद्मश्री मोहम्मद रफी यांना भारतरत्न देण्यासाठी आपण प्रयत्न करणार असल्याचे आश्वासन रामदास आठवले यांनी दिले.
