पुणे-एककल्ली. हुकुमशाही कारभार हाकणारे म्हणून ज्यांची राज्यकर्त्यांनी पुण्यात गणना केली ते तुकाराम मुंडे आणि महापालिकेत ज्या राज्यकर्त्यांना नेहमी वारंवार अडथळा ठरत होत्या , एका बैठकीत सभागृह नेत्यांना ढोस भरला होता अशा महापालिकेच्या अतिरिक्त आयुक्त प्रेरणा देशभ्रतार यांची बदली करविण्यात अखेर सभागृह् नेत्यांना यश आल्याचे वृत्त आहे. तुकाराम मुंडे यांची बदली नाशिक महापालिका आयुक्त पदावर तर प्रेरणा देशभ्रतार यांची मंत्रालयात सामाजिक न्याय विभागात उपसचिव पदावर बदली झाल्याचे वृत्त आहे. तुकाराम मुंडे यांच्या जागेवर वर्धा जिल्हा परिषदेच्या मुख्य कार्यकारी अधिकारी नयना गुंडे यांची नियुक्ती झाली आहे .
कालच्या मुंबई वारीत चक्क सभागृह नेते श्रीनाथ भिमाले यांनी कित्येक निशाने साधल्याचे यामुळे स्पष्ट झाले आहे. शिवसृष्टी चांदणी चौकात ढकलल्यानंतर .. काल रात्री मुख्यमंत्र्यांनी बदल्यांच्या या आदेशाबाबत निर्णय घेतल्याचे वृत्त आहे . यामध्ये एकूण 6 अधिकाऱ्यांच्या बदल्या करण्यात आल्याचे समजते .एमएसआर डीसी चे के व्ही कुरुंदकर यांची कृषी विभागाच्या सचिव पदी मंत्रालयात बदली झाली तर ,नाशिक महापालिका आयुक्त अभिषेक कृष्णा यांची एमआयडीसी मुंबई येथे बदली झाली .मीना दीपक कुमार यांची महाराष्ट्र राज्य दुध संघावर नियुक्ती झाली आहे .
प्रेरणा देशभ्रतार यांनी पुणे महापालिकेतील बोगस कर्मचाऱ्यांना महापालिकेत बसण्यास आणि कामकाज करण्यास मज्जाव केला होता . नव्या भरतीला शासन मान्यता घेवून भरती करा असा आग्रह धरला होता. भूमी जिंदगी चे सतीश कुलकर्णी हे जे काल मुंबई वारीला गेले होते त्यांनी आपल्या कार्यालयात एक बोगस कर्मचारी रंगेहाथ पकडला गेल्यानंतर देखील त्याला अभय दिले होते. आणि त्याच्या वर पोलिसात गुन्हा दाखल न करता त्याला वाचविण्याचे कटकारस्थान यशस्वीपणे राबविले होते . एका भाजपा नगरसेवकाचा हाथ डोक्यावर असल्याने हा बोगस कर्मचारी येथे कार्यरत होता .यावरून देशभ्रतार यांनी कुलकर्णी यांची खरडपट्टी काढली होती.
दरम्यान या पूर्वी महापौर यांच्या विशेष दालनात झालेल्या एका गटनेत्यांच्या बैठकीत देशभ्रतार यांनी सभागृह्नेत्यांना अरेकारी करत ढोस भरल्याची चर्चा झाली होती . त्यानंतर मुख्य सभेत सभागृह्नेत्यांनी देशभ्रतार यांना माघारी शासनाकडे पाठवू असा सज्जड दम दिला होता .एकीकडे महापालिकेत प्रेरणा देशभ्रतार या पालिकेतील मुख्य राजकीय नेत्यांना आपल्या कामात अडथळा ठरल्या होत्या .तर दुसरीकडे कामगारांवर धडाधड कारवाई करत पीएमपीएमएल मध्ये मुंडे वादग्रस्त ठरत होते . हे सर्व कामगार भिमालेंकडे येवून बसत . पण मुंडे मात्र भिमाले यांना जुमानीत नसत .
