प्रधानमंत्री आवास योजेनेला निगडे मोसे ग्रामपंचायतीचा सकारात्मक प्रतिसाद – २०० लाभार्थ्यांनी घरांसाठी भरले अर्ज

पुणे-प्रधानमंत्री आवास योजनेतील आर्थिक दृष्ट्या दुर्बल घटकातील लाभार्थ्याला घरकुल बांधण्यास
अनुदान या घटकांची अंमलबजावणी करणेत येत असून त्याचा लाभ ८४१ गावातील लाभार्थ्यांना घेता येणार आहे.
या घटकात आर्थिक दृष्ट्या दुर्बल घटकातील लाभार्थ्यांद्वारे वैयक्तिक स्वरूपातील घरकुल बांधण्यास अनुदान असून
घरकुल बांधकामासाठी शासकीय अनुदान व्यतिरिक्त उर्वरित रकमेची सोय इच्छुक कुटुंबाला स्वतः करावी लागेल
तसेच कुटुंबाच्या मालकीचा खुला भूखंड किंवा कुटुंबाच्या मालकीच्या भूखंडावर कच्च्या स्वरूपाचे घर किंवा कुटुंबाच्या
मालकीच्या भूखंडावर सुधारणा होऊ शकेल असे घर असणे आवश्यक आहे. यात लाभार्थ्याला ३०० चौ. मी. चटई
क्षेत्राचे घर बांधता येणार असून २.५० लाख रुपयांचे अनुदान प्राप्त होणार आहे यासाठी वार्षिक उत्पन्न ३ लक्ष पेक्षा
कमी असलेले लाभार्थी पात्र होणार आहेत.
पंतप्रधान आवास योजनेची माहिती लोकांपर्यंत पोहोचविणेसाठी मा. आयुक्त किरण गित्ते यांच्या मार्गदर्शनाखाली
आवास योजनेसाठी अभियान राबविले. या अभियानाला वेल्हे तालुक्यातील ग्रामपंचायत निगडे मोसे यांचेवतीने
सकारात्मक प्रतिसाद मिळाला असून ग्रामपंचायत निगडे मोसे यांनी दि. २४/१०/२०१८ रोजी गावातील आर्थिक
दृष्ट्या दुर्बल घटकातील लाभार्थ्याला योजना व अर्ज भरणेबाबत मार्गदर्शनपर कार्यक्रमाचे आयोजन करण्यात आले
होते. या कार्यक्रमास ३०० ग्रामस्थ उपस्थित होते.
यात पुणे महानगर प्रदेश विकास प्राधिकरण यांचेकडून ग्रामस्थांना मार्गदर्शन करणेत आले व तेथच पात्र लाभार्यांचे
अर्ज भरून घेण्यात आले. त्याला लाभार्थ्यांनी सकारात्मक प्रतिसाद दिलेला असून २०० लाभार्थ्यांनी सदर
घटकांतर्गत घर बांधणीसाठी अर्ज केलेले आहेत. यावेळी वेल्हे तालुक्यातील जि. प. सदस्य अमोल नलावडे, सरपंच,
सदस्य व पुणे महानगर विकास प्राधिकरणाचे अधिकारी व कर्मचारी उपस्थित होते. पंतप्रधान आवास योजनेकरिता
अर्ज करण्यासाठी पुणे महानगर प्रदेश विकास प्राधिकरणाच्या http://pmrdapmay.com या संकेतस्थळावर
नागरिकांनी अर्ज करावा.