आज पुणे महापालिकेत दुपारी 3 वाजता पर्यावरणावरील खास सभा आणि 3-05 वाजता शिवसृष्टी वर खास सभा आयोजित करण्यात आली होती ..
यावेळी पहिली सभा सुरु होताच नगरसेवक साईनाथ बाबर शिवाजी महाराजांच्या वेशभूषेत तर योगेश ससाणे ,महेंद्र पठारे ,भैया जाधव ,वसंत मोरे हे मावळ्यांच्या वेशभूषेतच साभागृहात दाखल झाले आणि घोषणाबाजीत च विरली पहिली सभा ……..
शिवसृष्टीसाठी मनसे, शिवसेना, काँग्रेस व राष्ट्रवादी सर्व विरोधकांनी एकत्र येत खास सभेपूर्वी मावळ्यांच्या वेशभूषेत पुणे महापालिकेत तीव्र आंदोलन केल. यावेळी शिवसृष्टी झालीच पाहिजे, अशी घोषणाबाजी करण्यात आली. यावेळी मनसेचे नगरसेवक साईनाथ बाबर यांनी थेट छत्रपती शिवाजी महाराजांच्या वेशातच सभागृहात प्रवेश केला. तर मनसेचे नगरसेवक वसंत मोरे, राष्ट्रवादीचे नगरसेवक योगेश ससाणे, महिंद्र पठारे, भैय्यासाहेब जाधव यांनी मावळ्यांचा वेश केला होता.
कोथरूडमधील कचरा डेपोची सुमारे 28 एकर पाच गुंठे जागेत शिवसृष्टी उभारण्यास मुख्यसभेने मंजुरी दिली आहे. मात्र, राज्य शासनाकडून अद्याप त्यास परवानगी मिळालेली नाही. त्यातच याच जागेवर मेट्रोचे टर्मिनस ही प्रस्तावित आहे.
कोथरूड शिवसृष्टी प्रकल्प पाठपुरावा करून देखील प्रकल्पाकडे दुर्लक्ष होत असल्याने या प्रकल्पाबाबत आज (28 जुलै) खास सर्वसाधारण सभा घेण्यात आली. त्यानुसार महापालिका भवन परिसरात शिवसृष्टी बनवण्याचे फ्लेक्स व झेंडे लावण्यात आले आहेत. सभागृहाच्या बाहेर रांगोळी व शिवाजी महाराजांचा पुतळा ठेवला आहे. यावेळी सभेपूर्वी सर्व विरोधकांनी तीव्र आंदोलन करीत शिवसृष्टी झालीच पाहिजे, अशी घोषणाबाजी केली.
वाहतूक कोंडी सोडविण्यासाठी पुणे मेट्रोची निंतात गरज आहे. त्यामुळे मेट्रोचे भुयारी स्थनाक करून तिथे शिवसृष्टी उभारावी अशी मागणी होत आहे .
