१६९२ एकर जागा निवासी झोन मध्ये आणणार …. २६१९ कोटीच्या मुळा मुठा नदी संवर्धन प्रकल्पासाठी एसपीव्हीला मान्यता

पुणे – एसपीव्ही या खाजगी कंपनीमार्फत २६१९ कोटी रुपयांच्या नदी सुधारणा व संवर्धन प्रकल्पाला आज पालिकेतील मुख्य सभेत भाजपने बहुमताच्या जोरावर मान्यता मिळविली . या प्रकल्पांतर्गत सुमारे १६९२ एकर जागा निवासी करण्यात येणार असल्याचे स्पष्ट झाल्याने हा प्रकल्प नेमका पुणेकरांच्या हितासाठी आहे कि बिल्डरांच्या हितासाठी ? असा प्रश्न यावेळी विरोधी पक्षनेते चेतन तुपे पाटील , तसेच कॉंग्रेसचे अविनाश बागवे आणि शिवसेनेचे संजय भोसले यांनी केला .
आज दुपारी 3 वाजता सुरु झालेली मुख्य सभा रात्री ९ वाजले तरी सुरूच होती .या मुख्य सभेत भाजपने बहुमताच्या जोरावर अनेक महत्वाचे विषय मंजूर करवून घेतले. विशेष म्हणजे या सभेस सभागृहातील तोफ समजले जाणारे कॉंग्रेसचे गटनेते अरविंद शिंदे गैर हजर होते .
पुणे महापालिका , पिंपरी महापालिका , खडकी कँटोंमेंट बोर्ड यांच्या हद्दीतून वाहणाऱ्या मुळा आणि मुठा नदी चा काठ आणि नदी सुधार संवर्धन प्रकल्प राबविण्यासाठी स्पेशल पर्पज व्हेईकल (spv) स्थापित करण्याचा प्रस्ताव या सभेत उशिरा मान्यतेसाठी आणण्यात आला .spv साठी महापौर ,उपमहापौर ,स्थायी समिती अध्यक्ष,सभागृह नेता, विरोधी पक्षनेता,दोन्ही महापालिकांचे आयुक्त ,विभागीय आयुक्त,शहर अभियंता नदीविकासन क्षेत्रातील तज्ञ यांचे संचालक मंडळ असणार आहे . spv ला जागा हस्तांतरित करण्यासाठी राज्य शासनाकडे प्रस्ताव पाठविणे ,तसेच spv ला विविध माध्यमातून निधी उपलब्ध करणे व प्रकलपाची देखभाल दुरुस्ती करणे याबाबत अधिकार देणे असा हा प्रस्ताव होता .
यावेळी चेतन तुपे, अविनाश बागवे , संजय भोसले यांच्यासह भाजपच्या हि अन्य सदस्यांनी विविध मुद्दे उपस्थित केले . त्यांना उत्तरे देताना पहा आणि ऐका नेमके आयुक्त कुणालकुमार यांनी
कसे येणार २६१९ कोटी …?
का हवी एस पी व्ही …?
साबरमती चे कन्सल्टंट तेच इथे कन्सल्टंट असतील …
एसपीव्ही कंपनी होणार असल्याने टॅक्सबाबत काळजी घेवू ..
सर्व बाबी कायदेशीर परवानग्या घेऊनच करणार …
१० वर्षाचा प्रकल्प असला तरी तो 5 वर्षात पूर्ण करण्याचा प्रयत्न ..
६८५ हेक्टर जागा विकसनासाठी उपलब्ध होईल ….
याबाबत स्पष्टीकरण दिले आहे … ते पहा आणि ऐका नेमके कुणाल कुमार यांनी काय म्हटले आहे ….