शहीद सौरभ फराटे यांच्या स्मारकाचा विषय स्थायी समितीत मंजूर

पुणे- शहीद सौरभ फराटे यांच्या स्मारकाचा विषय आज महापालिकेच्या स्थायी समितीच्या बैठकीत मंजूर करण्यात आला .
जम्मू-काश्मीरमधील दहशतवादी हल्ल्यात शहीद झालेले जवान सौरभ नंदकुमार फराटे यांचे स्मारक डिसेंबर महिन्यापर्यंत उभारु, असे आश्वासन महापौर मुक्ता टिळक यांच्याकडून देण्यात आले होते. फुरसुंगी येथील गंगानगर परिसरात राहणारे नंदकुमार फराटे यांना १७ डिसेंबर २०१७ रोजी वीरमरण आले होते. त्यानंतर त्यांचे स्मारक उभारण्याच्या घोषणा करण्यात आली होती .
हडपसर येथील गाडीतळ येथे स्मारक उभारण्यात यावे. तसेच बनकर स्कूलच्या परिसरात शहीद सौरभ फराटे यांचा पुतळा उभारावा, अशी मागणी मंगल फराटे यांनी महापौरांकडे केली होती यावेळी महापौरांनी डिसेंबरपर्यंत या स्मारक उभारु, असे आश्वासन दिले होते २४ ऑक्टोबरला मुलीचा पहिला वाढदिवस साजरा करुन कामावर रुजू झाल्यानंतर सीमारेषेवर झालेल्या दहशतवादी हल्ल्यात सौरभ फराटे यांना वीरमरण आले होते. त्यांच्या पश्चात आई, वडील, पत्नी, दोन मुली असा परिवार आहे. त्यांचा धाकटा भाऊदेखील सैन्यदलात आहे.
स्थायी समितीच्या मान्यतेनंतर स्मारकाच्या कामाला वेग येईल असे चित्र आहे .
दरम्यान याबाबत स्थायी समितीचे अध्यक्ष मुरलीधर मोहोळ यांनी पहा आणि ऐका काय म्हटले आहे …..