देशातील कोविड -19 ची परिस्थिती नियंत्रणात ठेवण्यासाठी केलेल्या लॉकडाऊन उपायांचा सविस्तर आढावा घेतल्यानंतर 4 मे 2020 पासून लॉकडाऊनला आणखी दोन आठवड्यांसाठी मुदतवाढ देण्याचा आदेश केंद्रीय गृह मंत्रालयाने काल दिला.
ऑरेंज झोनमधील व्यक्ती आणि वाहनांच्या हालचालींबाबतचा गोंधळ दूर करण्यासाठी (कृपया https://pib.gov.in/PressReleasePage.aspx?PRID=1620095) मध्ये दिलेल्या ऑरेंज झोनमधील परवानगी असलेल्या कृतींचा संबंधित परिच्छेद पहा) स्पष्टीकरण पुढीलप्रमाणे:
देशभरात प्रतिबंध असलेल्या क्रियांच्या व्यतिरिक्त, ऑरेंज झोनमध्ये, जिल्ह्यात आणि आंतर-जिल्ह्यात बसगाड्या चालवण्यास प्रतिबंध आहे.
इतर दोन क्रियांना निर्बंधासह परवानगी दिली गेली आहे:
फक्त एक ड्रायव्हर आणि दोन प्रवासी या तत्वावर टॅक्सी आणि कॅब चालकांना परवानगी आहे,
व्यक्ती आणि वाहनांच्या आंतर-जिल्हा वाहतुकीमध्ये केवळ परवानगी असलेल्या क्रियेसाठी चार चाकी वाहनांमध्ये ड्रायव्हर व्यतिरिक्त जास्तीत जास्त दोन प्रवासी, प्रवास करू शकतात.
ऑरेंज झोनमध्ये इतर सर्व क्रियांना कोणत्याही निर्बंधांशिवाय परवानगी आहे.
तथापि, राज्ये / केंद्रशासित प्रदेश त्यांचे मूल्यांकन आणि प्राधान्य यावर आधारित निर्णय घेऊन याहूनही कमी कामांनाच फक्त परवानगी देऊ शकतात.
