अजितदादा पवार यांच्या वाढदिवसानिमित्त संगीत मैफिल व कार्यकर्ता सन्मान पुरस्कार संपन्न

पुणे-विरोधी पक्षनेते अजित पवार यांच्या वाढदिवसानिमित्त बालगंधर्व रंगमंदिर येथे झालेल्या संगीतांच्या मैफिलीस रसिकांचा उदंड प्रतिसाद लाभला, कार्यक्रमाचे संयोजन शहराध्यक्ष प्रशांत जगताप,प्रवक्ते प्रदीप देशमुख व सरचिटणीस प्रविण सोनी यांनी केले होते
जुन्या हिंदी / मराठी गाण्यांच्या या मैफिलीत तब्बल ५ तास श्रोत्यांना मंत्रमुग्ध केले. कलाकारांनी आपल्या सुमधुर आवाजात अनेक गाण्यांना उजाळा देत ८० – ९० च्या दशकातील आठवणी जाग्या केल्या.
अतिशय नियोजनबद्ध झालेल्या या कार्यक्रमात सर्वप्रथम रसिकांचे सनई चौघडे वाजवून व औक्षण करत स्वागत करण्यात आले. यावेळी सर्व प्रेक्षकांना भेटवस्तू देखील देण्यात आल्या
*राष्ट्रवादी कार्यकर्ता सन्मान पुरस्काराकरीता मिनाक्षी भेगडे , महेश भांगे .सौ. ज्योती सूर्यवंशी सौ .शोभा बोडके , उर्मिला शेलार पाच कार्यकर्त्यांची लकी ड्रॉ द्वारे यांची निवड केली गेली व विजेत्यांना बक्षिसे देवून त्यांचा सन्मान करण्यात आला .
रात्री १२ वाजता आयुश वेदपाठक या पाचवीच्या विधार्थ्याच्या हस्ते केक कापून वाढदिवस साजरा करण्यात आला.
“राष्ट्रावादी पुन्हा” या गाण्यावर अनेक प्रेक्षकांनी ताल धरला व मोठ्या उत्साहात व जल्लोषात हा कार्यक्रम पार पडला.