पुणे :
राष्ट्रवादी कॉंग्रेस च्या अल्पसंख्याक व सामाजिक न्याय विभागची आढावा बैठक शहराध्यक्ष खासदार वंदना चव्हाण यांच्या अध्यक्षतेखाली संपन्न झाली
या आढावा बैठकीला माजी महापौर मोहनसिंग राजपाल, अल्पसंख्याक सेलचे अध्यक्ष इक्बाल शेख, पक्षाच्या पुणे शहर सामाजिक न्याय विभागचे अध्यक्ष आनंद रिठे व पदाधिकारी उपस्थित होते.
यावेळी बोलताना खासदार वंदना चव्हाण म्हणाल्या ,”विशिष्ठ समाजातील युवक वर्गाला योग्य दिशा देण्यासाठी आपल्याला पुढाकार घ्यावा लागणार आहे. आपला देश हा धर्मनिरपेक्षतेची कास धरणारा देश आहे. पण सध्याचे वातावरण पाहता घटनेची पायमल्ली होत आहे. जात, धर्म यावरुन सामाजिक तेढ निर्माण केले जात आहे. यासाठी तरुण वर्गाला भुलवण्याचे काम काही संघटनांमार्फत चालू आहे . परंतु, मला सांगायला अभिमान वाटतो की आजचे बहुतांशी तरुण हे सुध्दा धर्मनिरपेक्षतेच्या बाजूने उभे राहत असल्याचे चित्र देशात आहे.या युवाशक्तीला एकत्र करण्याची जबाबदारी आपली आहे.
तसेच अल्पसंख्यकांसाठी असलेल्या विविध कल्याणकारी योजना समाजातील शेवटच्या घटकापर्यंत पोहचायला हव्यात यासाठी पदाधिकारी व कार्यकर्ते यांची यंत्रणा भक्कम करा. यासाठी कार्यकर्ते मेळाव्यांचे आयोजन करायला हवे.
विविध विषयांवर कार्यकर्ते व पदाधिकारी यांचा अभ्यास व्हावा, एखाद्या विषयाचे प्राथमिक माहीती मिळावी यासाठी येत्या काळात शिबीरांचे आयोजन करण्यात येणार आहे त्याचा फायदा आपण सगळ्यांनी घ्यायला हवा. तरच परिवर्तनास सुरुवात होईल.”
विविध विषयांवर कार्यकर्ते व पदाधिकारी यांचा अभ्यास व्हावा, एखाद्या विषयाचे प्राथमिक माहीती मिळावी यासाठी येत्या काळात शिबीरांचे आयोजन करण्यात येणार आहे त्याचा फायदा आपण सगळ्यांनी घ्यायला हवा. तरच परिवर्तनास सुरुवात होईल.”
