विविध क्षेत्रात काम करणाऱ्या महिलांसाठी कृती गट स्थापन करावेत -खा. वंदना चव्हाण

पुणे-विविध क्षेत्रात काम करणाऱ्या महिलांसाठी कृती गट स्थापन करण्यात यावेत असा निर्णय येथील महिलांच्या एका बैठकीत घेण्यात आला .अॅड. वंदना चव्हाण व डॉ. किरण मोघे यांनी आज दि. २६ ऑक्टोबर २०१८ रोजी, इंद्रधनुष्य
पर्यावरण व नागरिकत्व केंद्र, येथे महिलांच्या विषयांवर विविध क्षेत्रात काम करणाऱ्या संघटना व लोकप्रतिनिधींची बैठक आयोजित केली होती.
२०१३-२०१४ मध्ये पुणे महानगरपालिकेने अॅड. सौ. वंदना चव्हाण यांच्या पुढाकाराने देशात सर्वातप्रथम ‘Framework for Developing Women Friendly City’ चा अहवाल All India Institute ofLocal Self Government, Mumbai यांच्याकडून तयार करून घेण्यात आला होता. ज्यामध्येविविध स्तरातील, विविध क्षेत्रातील महिलांचे प्रश्न व त्यावर कारवायाच्या उपाययोजना मांडण्यातआल्या आहेत.
या अहवालाच्या अंमलबजावणीच्या दृष्टीने येणाऱ्या २०१९-२० च्या अंदाजपत्रकात आर्थिक तरतुदींचाअंतर्भाव करण्यात यावा यासाठी अभ्यास गट करण्यात आले. श्रीमती किरण मोघे व श्री. अविनाश मधाले यांच्या पुढाकाराने आरोग्य, शिक्षण, सुरक्षितता, दळणवळण, स्वछता गृह, नोकरी करणाऱ्यामहिलांसाठी सुविधा (पाळणाघरे, हॉस्टेल) इ. असे कृती गट नेमण्यात आले.
जनवादी महिला संघटना, CEE, CFAR, समाजविकास, पुणे विद्यापीठ स्त्री विभाग, नारी समता मंच, ALERT, SNDT, जनआरोग्य मंच, तथापी ट्रस्ट, आशा केर ट्रस्ट इ. विविध संस्थांबरोबर माजी महापौर वैशाली बनकर, माजी शिक्षण मंडळ अध्यक्ष वासंती काकडे, नगरसेविका नंदालोणकर, माजी नगरसेविका सौ. मीनल सरवदे, सौ. सुरेखा कवडे, सौ. विजया कापरे, सौ. शारदाओरसे, सौ. हिना मोमीन, सौ. रंजना पवार, सौ. शशिकला कुंभार तसेच सौ. रजनी पाचंगे, सौ.मृणाल वाणी, कु. मनाली भिलारे, कु. स्नेहल शिंगारे, सौ. नीता गलांडे, श्रीमती. संजीवनीजोगळेकर आदि उपस्थित होते.