पुणे- महानगरपालिकेच्या बांधकाम नियंत्रण विभागाकरिता Hydraulic Demolition Machine with Trailer ५ वर्षाकरिता ऑपरेशन व मेंटेनन्ससह खरेदी करण्यात आली. या मशीन द्वारे २० मीटर उंचीपर्यंत ची इमारत पूर्णतः उध्वस्त करता येणार आहे , यापूर्वी अशा इमारतींना केवळ मोठ मोठे गोलाकार आकारा सारखी भगदाडे पाडली जात होती . पण या मशीनने संपूर्ण इमारत पाडली जाईल . कोबाल्को या जपानी कंपनीची हि मशीन सवातीन कोटी ला महापालिकेने खरेदी केली असून दरमहा ५ लाख रुपये या मशिनच्या ऑपरेटिंग आणि मेंटेनन्स साठी पाच वर्षे दिले जाणार आहेत .
पुणे महानगरपालिकेच्या बांधकाम नियंत्रण विभागाकरिता Hydraulic Demolition Machine with Trailer ५ वर्षाकरिता ऑपरेशन व मेंटेनन्ससह खरेदी करण्यात आली. आज दि. १२ रोजी या मशीनचे महापालीकार्पण महापालिका आयुक्त विक्रम कुमार यांच्या उपस्थितीत करण्यात आले.याप्रसंगी अतिरिक्त महापालिका आयुक्त (ज) रवींद्र बिनवडे, उप आयुक्त माधव जगताप, महेश डोईफोडे, अधीक्षक अभियंता युवराज देशमुख इत्यादी अधिकारी व कर्मचारी मोठ्या संख्येने उपस्थित होते.
अनधिकृत बांधकामांना आळा घालणेकरिता पुणे महानगरपालिकेमार्फत वारंवार कारवाई करण्यात येत असतात. कार्यकारी अभियंता विभाग क्र. १ ते ७ यांना अतिक्रमण विभागामार्फत पोलीस बंदोबस्त व मशिनरी उपलब्ध करून देऊन साप्ताहिक नियोजनानुसार कारवाई करणेत येते.
पुणे महानगरपालिकेच्या हद्दीतील अनधिकृत बांधकामावर कारवाई करणेकारिता मशिनरी भाडेतत्वावर घेण्याकरिता मोठ्या प्रमाणात खर्च होत आहे. सदर खर्चामध्ये बचत करणेच्या दृष्टीकोनातून महापालिकेचे स्वता:च्या मालकीचे मेकॅनिकल माउंटेड जॉ क्रशर मशीन खरेदी करण्यात आले. या मशीनद्वारे ५ ते ६ मजल्यापर्यंतच्या इमारतींवर कारवाई करता येणे शक्य होणार आहे.
सदर मशीनचा वापर पुणे महानगरपालिकेच्या हद्दीतील अनधिकृत बांधकामांवर कारवाई करणेकरिता होणार आहे. तसेच पुणे महानगरपालिका हद्दीमध्ये आपत्ती निर्माण झाल्यास या प्रकारचे मशीन पुणे शहरात उपलब्ध बसल्याने मुंबई, ठाणे ई. शहरातून मागवावे लागत असल्याने त्यामध्ये किमान २-३ दिवसांचा विलंब होतो. आपत्ती व्यवस्थापन करतेवेळी सदर मशीन अभावी झालेल्या नैसर्गिक, प्राण व वित्त हानी या सर्व बाबी टाळता येणेसाठी सदरचे मशीन अत्यंत उपयोगी असणार आहे.
