अखिल भारतीय अंगणवाडी सेविका व मदतनीस फेडरेशनचे ९ वे अधिवेशन उत्साहात संपन्न

Date:

मुंबई – नुकतेच राजमंड्री, आंध्र प्रदेश येथे अखिल भारतीय अंगणवाडी सेविका व मदतनीस फेडरेशनचे अधिवेशन उत्साहात संपन्न झाले. पहिल्या दिवशी फेडरेशनच्या अध्यक्षा उषा रानी यांच्या हस्ते आयफाचा ध्वज उंचावून अधिवेशनाची सुरवात झाली. त्यानंतर खुल्या सत्रात सिटू सरचिटणीस काॅ तपन सेन यांच्या हस्ते अधिवेशनाचे उद्घाटन करण्यात आले. सिटू अध्यक्षा काॅ. के. हेमलता यांचे देखील भाषण झाले. अधिवेशनात महाराष्ट्रातील १९ प्रतिनिधी, २ निरीक्षक, १ पदाधिकारी व २ कार्यसमिती सदस्य असे एकूण २४ जण सहभागी झाले.

पहिल्या प्रतिनिधी सत्रात अध्यक्ष मंडळाची निवड झाली त्यात महाराष्ट्रातील पवित्रा ताकसांडे या आयफाच्या कार्यसमितीमधील मदतनीस प्रतिनिधींना संधी दिली गेली. फेडरेशनच्या अध्यक्षा उषा रानी यांचे अध्यक्षीय भाषण झाले व त्यानंतर महासचिव ए आर सिंधु यांनी तीन वर्षांचा राजकीय, संघटनात्मक व कार्याचा अहवाल मांडला. त्यात त्यांनी मोदी सरकारच्या जनविरोधी, कामगार विरोधी व आयसीडीएस विरोधी धोरणांमुळे अंगणवाडी कर्मचाऱ्यांवर कोसळणाऱ्या संकटांबाबत मांडणी केली व आपण त्यांचा मुकाबला करण्यासाठी कोणते स्वतंत्र व संयुक्त लढे केले यावर प्रकाश टाकला. संघटनात्मक दृष्टीने आपण कुठे आहोत याचा लेखाजोखा मांडला. अहवालावर २३ राज्यातील एकूण ६८ प्रतिनिधी बोलल्या. महाराष्ट्राच्या वतीने रजनी पिसाळ, चंदा मेंडे, प्रतिभा भोसले व राधा सुंकरवार यांनी अहवालाला पाठिंबा देत राज्यातील परिस्थिती विशद केली.  उपाध्यक्षा शुभा शमीम यांनी ठराव समिती व क्रिडेन्शियल समितीची जबाबदारी पार पाडली. २० तारखेला शेवटच्या सत्रात आयफाच्या पदाधिकारी मंडळाची तसेच कार्यसमितीची एकमताने निवड करण्यात आली. अध्यक्षस्थानी उषा रानी, महासचिवपदी ए आर सिंधु यांची तर कोषाध्यक्षपदी अंजु मैनी यांची टाळ्यांच्या गजरात फेरनिवड करण्यात आली. शुभा शमीम यांची उपाध्यक्षपदी निवड झाली. कार्यसमिती सदस्य म्हणून नागपूरच्या अंगणवाडी सेविका चंदा मेंडे यांची तर मदतनीस प्रतिनिधी म्हणून चंद्रपूर येथील राधा सुंकरवार यांची निवड करण्यात आली. अधिवेशन यशस्वी करण्यासाठी अहोरात्र राबणाऱ्या राजमंड्री व आंध्र प्रदेश येथील वॉलंटियर्सचे टाळ्यांच्या गजरात आभार मानून व ८ जानेवारी २०२० रोजी होणारा देशव्यापी सार्वत्रिक संप यशस्वी करण्याचा निर्धार घोषणांद्वारे व्यक्त करत अधिवेशनाचा समारोप करण्यात आला.

SHARAD LONKAR
SHARAD LONKARhttps://mymarathi.net/
पुण्याचे स्वतंत्र ,पहिले,ऑनलाइन मराठी न्यूज पोर्टल.. http://mymarathi.net/ पुणे महापालिकेची मुख्य सभा लाईव्ह करणारे सर्वात पहिले न्यूज पोर्टल .. C.G.Registration No.MSME/ MH- 26-0179354,M.G. RC No. DCL 2131000315798079 मालक-संपादक : शरद लोणकर( mobile-9423508306) sharadlonkarpune@gmail.com - State Committe Member Of Digital Media Editor Journalist Association Maharshtra *1984 पासून पुण्यात पत्रकारिता, *आजीव सभासद - अखिल भारतीय मराठी चित्रपट महामंडळ, *आजीव सभासद - महाराष्ट्र साहित्य परिषद, *पुण्याच्या रस्त्याखाली ३० फुट खोल उतरून पेशवेकालीन भुयारी पाणीपुरवठा यंत्रणेचा प्रत्यक्षात माग काढणारा पहिला पत्रकार म्हणून मान मिळविला ... *स्वातंत्र्य वीर सावरकर यांचे नातू प्रफुल्ल चिपळूणकर हे सारस बागेजवळ भिक्षुकाच्या अवस्थेत दुर्लक्षित जिवन जगत असल्याचे सर्वप्रथम निदर्शनास आणून दिले *इराक मध्ये अडकलेल्या भारतीय मजुरांची सुटका होण्यासाठी विशेष प्रयत्न -लातूर मधील ५ तरुणांची सुटका . *निगडीतील २ महिन्यात दुप्पट पैसे देणाऱ्या सनराईज कन्सल्टन्सी च्या तथाकथित एल टीटीइ हस्तकाचा पर्दाफाश-संबधित फरार https://www.facebook.com/MyMarathiNews/

Share post:

Popular

More like this
Related

‘रिझर्व्ह बँक’ व ‘सेबी’ फक्त “दुर्वा” उपटतात काय ?

रिझर्व्ह बँक ऑफ इंडिया ( आरबीआय) सर्व बँकांची नियामक...

गरीबाच्या मुखी दुध जाहले महाग …आता गाईचे दूध 58 रुपये तर म्हशीचे दूध 74 रुपये लिटर

पुणे - भेसळीच्या पनीर ने राज्यात उच्छाद मांडला असताना...

संजय गांधी नॅशनल पार्कमध्ये बेवड्यांनी लावली आग:अर्धा हेक्टर जंगल जळून खाक

मुंबई-मुंबईच्या बोरिवलीमधील संजय गांधी राष्ट्रीय उद्यानामध्ये बेवड्यांनी आग...

महाबळेश्वर पर्यटन: कार पसरणी घाटात १०० मीटर दरीत कोसळून भीषण अपघात

पुणे- लोणी काळभोर येथील तरुण महाबळेश्वर या ठिकाणी फिरण्यासाठी...