संपूर्ण जगात आज रोजी कोरोनाव्हायरस या महामारी चे मोठे संकट आलेले होते. उभ्या जगाशी गनिमी कावा खेळणाऱ्या हा दुष्ट विषाणु मुळे आपला भारत देश पण प्रभावित झालेला आहे. सध्याच्या वातावरणामुळे सर्वाधिक परिणाम हा पर्यटन उद्योगावर झाला आहे. संचारबंदी मुळे सर्वच बाबतीत मर्यादा आल्या होत्या. तथापि, या काळामध्येही महाराष्ट्र पर्यटन विकास महामंडळाचे कर्मचारी सतत काम करीत आहेत. स्वच्छता हीच सेवा आणि अतिथी देवो भव ही ब्रीद वाक्य उराशी बाळगुन संचारबंदी असली तरिही पर्यटक निवासात साफसफाई, दुरुस्ती आणि सॅनिटायझेशनची कामे योग्य ती खबरदारी घेवुन सुरु करण्यात आली आहेत. पर्यटक निवासांसाठी विविध निर्जंतुकीकरणाच्या उपाययोजना केल्याने आणि पर्यटकांना आपली निवासे ही आरोग्यासाठी उत्तम असण्याची खात्री देण्यात यशस्वी झाली होती.
यापुर्वीही लॉकडाऊन कालावधीत पर्यटक कमी असल्याने महाराष्ट् पर्यटन विकास महामंडळाने आपल्या सर्व कर्मचाऱ्यांना अत्याधुनिक सोयी सुविधांचे ऑनलाईन प्रशिक्षण देण्यात आले होते. आता नव्याने महामंडळाचे अनुभवी कर्मचारी आणि तरुण कर्मचारी (शेफ) यांचा मेळ साधत प्रशिक्षण देण्यात येणार आहे. या प्रशिक्षणाची संकल्पना ही महामंडळाच्या व्यवस्थापकिय संचालिका श्रीमती जयश्री भोज (भा.प्र.से.) यांची असुन महामंडळाचे उपमहाव्यवस्थापक चंद्रशेखर जयस्वाल यांनी सदरच्या प्रशिक्षणाबाबत सर्वतोपरी महत्वाुणची भुमिका बजावली आहे. प्रशिक्षणासाठी मा. पर्यटन मंत्री महोदय आदीत्य ठाकरेसाहेब यांच्या पुढाकाराने महामंडळ आणि सदरचे प्रशिक्षण हे महाराष्ट्र इन्स्टिटयुट ऑफ हॉटेल मॅनेजमेंट ॲन्ड कॅटरिंग टेक्नॉलॉजी, पुणे यांच्या मध्ये MoU करण्यात आला आहे. त्यामुळे महामंडळ आणि महाराष्ट्र इन्स्टिटयुट ऑफ हॉटेल मॅनेजमेंट ॲन्ड कॅटरिंग टेक्नॉलॉजी, पुणे यांच्या संयुक्त विद्यमाने प्राचार्या मा. डॉ. अनिता मुदलीयार यांच्या मार्गदर्शनाखाली पार पडत आहे.. सदरच्या कौशल्य विकास प्रशिक्षणा अंतर्गत Food and Beverages आणि Food Production याबाबतचे आधुनिक प्रशिक्षण देण्यात येत आहे. प्रशिक्षणाअंतर्गत Training सह प्रात्यक्षिक देण्यात येत आहे. या प्रशिक्षणामध्ये संस्थेच्या तवतीने प्राध्यापक डॉ. सीमा झगडे, सहा. प्राध्यापक सचिन रायरीकर, सहा. प्राध्यापक श्री. अभय मनोळीकर, सहा. प्राध्यापक पुजा पवार या तज्ञ प्राध्यापकांकडुन मार्गदर्शन आणि प्रशिक्षण देण्यात येत आहे. श्रीमती विद्या कदम मॅडम या संयोजन करीत आहेत.
पर्यटकांना आनंदी ठेवणे, उच्च दर्जाच्या सुविधा पुरविणे, स्वच्छता आणि परिसराची साफसफाई, खोल्यांचे निर्जंतुकिकरण, पर्यटकांच्या आरोग्याची सर्वोच्च काळजी घेणे याचा समावेश सदरच्या प्रशिक्षणामध्ये करण्यात आला आहे. सदरचे प्रशिक्षण हे दोन आठवडयाचे असुन उपरोक्त विषयातील तज्ञ प्रशिक्षक मार्गदर्शन आणि प्रात्यक्षिक याद्वारे कर्मचाऱ्यांना प्रशिक्षण देण्यात येत आहे. हे प्रशिक्षण 14 फेब्रुवारी पासुन महाराष्ट्र इन्स्टिटयुट ऑफ हॉटेल मॅनेजमेंट ॲन्ड कॅटरिंग टेक्नॉलॉजी, पुणे या संस्थेत होत आहे. या प्रशिक्षणामध्ये साधारणपणे 60 पेक्षा जास्त शेफ / कर्मचाऱ्यांना प्रशिक्षण दिले जात आहे. सदरच्या प्रशिक्षणामुळे कर्मचाऱ्यांचा आत्मविश्वास वाढणार असुन पर्यटकांना अतिउत्तम सेवा देण्यासाठी महामंडळ आतुरतेने वाट पहात आहे.
वाढत्या शहरीकरणामुळे प्रत्यक्ष शहरात राहणाऱ्या लोकांना त्याच त्या गर्दीचा, मॉल संस्कृतीचा, वाहतुक कोंडीचा, संगणकीय मनोरंजनाचा आणि एकंदरीत धकाधकीचा नागरी जीवनमानाचा कंटाळा आला आहे. अशावेळी शहरापासुन दुर निसर्गरम्य ठिकाणी जावुन रहावे आणि सोबत कामही करावे असे वाटणे साहजिक आहे. त्यामुळे लॉक डाऊन नंतर पर्यटक मोठया प्रमाणावर पर्यटनास निघणार आहेत. आगामी काळात पर्यटकांना वेगवेगळया प्रकारे आकर्षित करुन पर्यटन व्यवसायास भरभराटी येणार आहे. त्यामुळे आगामी पर्यटनासाठी येत असलेल्या पर्यटकांना उत्कृष्ट सेवा देण्यासाठी MTDC आणि कर्मचाऱ्यांनी कंबर कसली आहे.
महामंडळाच्या उपहारगृहामध्ये गर्दी टाळण्यासाठी पर्यटकांना त्याच्या खोल्यांपर्यंत अल्पोपहार, जेवण आणि अन्य अत्यावश्यक सुविधा पुरविण्यात येत आहेत.
“महाराष्ट्र पर्यटन विकास महामंडळाने (एमटीडीसी) राज्यातील विविध रिसॉर्टवर रेस्टॉरंटची सुविधा दिली आहे. कोरोना संचारबंदीनंतर महामंडळाच्या पर्यटक निवासात पर्यटकांना सर्व सुविधा आणि कोरोना बाबतची योग्य ती सर्व खबरदारी घेतल्याचे दिसुन येईल. निसर्गाचे भान ठेवुन आणि कोरोना बाबत दक्षता घेवुन आगामी संचारबंदीनंतरच्या काळात बिनधास्त पर्यटन करता येणार आहे.”
आगामी काळात महामंडळाकडुन देण्यात येणाऱ्या सोयी आणि सवलतींबाबत अधिक माहीतीसाठी महामंडळाच्या www.mtdc.co या वेब साईटवर संपर्क साधावा, असे आवाहन महामंडळाचे पुणे प्रादेशिक कार्यालयाचे प्रादेशिक व्यवस्थापक, श्री. दिपक हरणे यांनी केले आहे.
श्री. दिपक हरणे,
प्रादेशिक व्यवस्थापक,
महाराष्ट्र पर्यटन विकास महामंडळ, पुणे.
