एमएसएलटीए-नवसह्याद्री क्रीडा संकुल अखिल भारतीय टॅलेंट सिरीज 12वर्षाखालील (7 दिवसीय) टेनिस अजिंक्यपद स्पर्धेत आर्यन किर्तने, राघव सरोदे, रित्सा कोंडकर, काव्या पांडे यांचा अंतिम फेरीत प्रवेश

पुणे, 31 मार्च 2022: एम टेनिस अकादमी यांच्या वतीने आयोजित एमएसएलटीए-नवसह्याद्री क्रीडा संकुल अखिल भारतीय टॅलेंट सिरीज 12वर्षाखालील (7दिवसीय) टेनिस अजिंक्यपद स्पर्धेत एकेरीत मुलांच्या गटात आर्यन किर्तने, राघव सरोदे यांनी तर, मुलींच्या गटात रित्सा कोंडकर, काव्या पांडे या खेळाडूंनी आपापल्या प्रतिस्पर्धी खेळाडूंचा पराभव करत अंतिम फेरीत प्रवेश केला. 
नवसह्याद्री क्रीडा संकुल येथील टेनिस कोर्टवर सुरु झालेल्या या स्पर्धेत उपांत्य फेरीत मुलांच्या गटात पुण्याच्या बिगरमानांकीत आर्यन किर्तने याने आपली विजयी मालिका कायम ठेवत क्वालिफायर सर्वज्ञ सरोदेचा 6-1, 6-2 असा पराभव करून अंतिम फेरी गाठली. पात्रता फेरीतून मुख्य फेरीत प्रवेश केलेल्या राघव सरोदे याने तनिष्क देवरेचा 6-3, 2-6, 6-3 असा तीन सेटमध्ये पराभव करून आगेकूच केली. 
मुलींच्या गटात अव्वल मानांकित रित्सा कोंडकरने श्रावि देवरेचा टायब्रेकमध्ये 7-6(4), 2-6, 6-1 असा संघर्षपूर्ण पराभव करून अंतिम फेरीत धडक मारली.  दुसऱ्या मानांकित काव्या पांडे हिने शिबानी गुप्तेचे आव्हान 6-4, 6-4 असे संपुष्टात आणले. दुहेरीत रित्सा कोंडकर व काव्या पांडे यांनी सारा फेंगसे व शिबानी गुप्ते या जोडीचा 6-1, 7-6(3) असा, तर कीर्तियानी घाटकरने तमन्ना नायरच्या साथीत प्रांजली पांडूरे व काव्या तुपे यांचा 6-0, 6-1 असा पराभव करून अंतिम फेरीत प्रवेश केला. 

स्पर्धेचा सविस्तर निकाल: मुख्य ड्रॉ(उपांत्य फेरी): 12 वर्षांखालील मुले: आर्यन किर्तने(महाराष्ट्र)वि.वि.सर्वज्ञ सरोदे(महाराष्ट्र)6-1, 6-2; राघव सरोदे(महाराष्ट्र)वि.वि.तनिष्क देवरे(महाराष्ट्र)6-3, 2-6, 6-3;  
12वर्षांखालील मुली: रित्सा कोंडकर(महाराष्ट्र)(1)वि.वि.श्रावि देवरे(महाराष्ट्र) 7-6(4), 2-6, 6-1;   काव्या पांडे(महाराष्ट्र)(2) वि.वि.शिबानी गुप्ते(महाराष्ट्र)6-4, 6-4;   दुहेरी: उपांत्य फेरी: मुली: रित्सा कोंडकर/काव्या पांडे  वि.वि.सारा फेंगसे/शिबानी गुप्ते 6-1, 7-6(3); कीर्तियानी घाटकर/तमन्ना नायर वि.वि प्रांजली पांडूरे/काव्या तुपे 6-0, 6-1;    मुले: राम मगदूम/ऋषिकेश माने वि.वि सुजय देशमुख/नमिश हुड  6-4, 7-6(4); आरव पटेल/आर्यन किर्तने वि.वि वीरेन चौधरी/सय्यम पाटील 6-1, 6-3