मॉडर्न हायस्कूलमध्ये काव्यवाचन स्पर्धेला मोठा प्रतिसाद

पुणे – प्रोग्रेसिव्ह एज्युकेशन सोसायटीचे मॉडर्न हायस्कूल शिवाजीनगर,येथे आचार्य अत्रे यांच्या जयंतीनिमित्त आंतरवर्गीय काव्यवाचन स्पर्धेचे आयोजन करण्यात आले होते.कवितांचा आनंद कसा घ्यायचा हे आचार्य अत्रे यांनी महाराष्ट्राला शिकविले.त्यांनी संपादित केलेल्या नवयुग वाचनमाला आणि अरुणोदय वाचनमालेमुळे शाळकरी वयापासूनच विद्यार्थ्यांवर साहित्यसंस्कार झाले पण आज समाजात ताण-तणाव वाढत आहे. त्यावर हसण्यासारखा उपाय नाही. विनोदी कवितांनी ते साध्य होते. परंतु विनोदी कविता लिहिणे कठीण काम आहे. त्यासाठी सूक्ष्म निरीक्षण आवश्यक आहे. विनोदी काव्यवाचन स्पर्धेचा हा राज्यातील एकमेव प्रयोग आहे.प्रशालेतील पाचवी ते दहावीच्या 100 हून अधिक विद्यार्थ्यांनी स्पर्धेत भाग घेतला.अनेक विद्यार्थ्यांनी स्वरचित कविता सादर केल्या. आभाळे ऋषिकेश शिवाजी, बच्छाव करण सचिन,बोडरे पवन शिवाजी या विद्यार्थ्यांनी पारितोषिके पटकावली.या प्रसंगी मुख्याध्यापिका सांगिता लकारे,उपमुख्याध्यापिका रोहिणी काळे, पर्यवेक्षिका सीमा कुळधरण, उपस्थित होते. या काव्यवाचन स्पर्धेचे आयोजन खंडू खेडकर, नवेश पाटील, शारदा साके यांनी केले.या उपक्रमाचे कौतुक प्रोग्रेसिव्ह एज्युकेशन सोसायटीचे कार्याध्यक्ष डॉ.गजानन एकबोटे व सहकार्यवाह,नगरसेविका,पुणे महानगरपालिका महिला व बालकल्याण समिती सभापती प्रा.ज्योत्स्ना एकबोटे यांनी केले.