नवी दिल्ली-आज शुक्रवारी दुपारी अडीचच्या सुमारास काँग्रेस नेते राहुल गांधी यांचे संसदेचे सदस्यत्व रद्द करण्यात आले. केरळमधील वायनाड येथून ते लोकसभेचे सदस्य होते. लोकसभा सचिवालयाने एक पत्र जारी करून याबाबत माहिती दिली आहे. मानहानीच्या प्रकरणात सुरतच्या न्यायालयाने गुरुवारी दुपारी 12.30 वाजता त्यांना 2 वर्षांची शिक्षा सुनावली. 2019 मध्ये राहुल गांधी यांनी कर्नाटक विधानसभेत मोदी आडनावाबाबत विधान केले होते. ते म्हणाले होते – सर्व चोरांचे आडनाव मोदी का आहे?
सुप्रीम कोर्टाने 2013 मध्ये असा निर्णय दिला होता की जर एखाद्या आमदार किंवा खासदारासारख्या लोकप्रतिनिधीला दोन वर्षे किंवा त्यापेक्षा जास्त शिक्षा झाली तर त्यांचे सदस्यत्व रद्द केले जाईल. लोकप्रतिनिधीने शिक्षेविरुद्ध उच्च न्यायालयात अपील केल्यास हा नियम लागू होणार नाही, असे सर्वोच्च न्यायालयाने म्हटले होते.
राहुल गांधी वायनाडमधून लोकसभेचे सदस्य होते. 2019च्या लोकसभा निवडणुकीत त्यांनी वायनाडमधून काँग्रेसच्या तिकिटावर भारतीय इतिहासातील सर्वात मोठा विजय नोंदवला. राहुल सुमारे 8 लाख मतांनी विजयी झाले होते.
