पुणे- तब्बल ३ वेळा स्थायी समिती अध्यक्ष पद मिळाले, पण या काळात सामान्य जनतेसाठी काय केले? लॉबीत रमला ..खासदार असूनही बापटांना कसब्याच्या पाणी प्रश्नावर वारंवार आयुक्तांशी भांडावे लागले.महापौर ,आपला चेअरमन आपला तरीही खासदार अधिवेशनाला गेले कि कसब्यात पाणी गायब .. खेचाखेची ..तीही ज्येष्ठांची ..आणि बढाया मारणाऱ्या बड्या म्हणविणाऱ्या लॉबी च्या नादाला लागून सामन्यांची फरफट केली तर कितीही मोठा बालेकिल्ला असो तो ढासळणार हे विसरलेल्या उमेदवाराला अखेरीस मतदारांनी असमान दाखविले आहे. खासदार बापट प्रचाराला आले, मुख्यमंत्री ,उपमुख्यमंत्र्यांनी फौज उतरविली एवढी नशिबाची साथ मिळाली म्हणून अकरा हजाराने पराभव झाला अन्यथा हाच पराभव आणखी मोठ्या मताधिक्याने झाला असता. या साठी आत्मचिंतन नव्हे तर सत्ता असताना आपण खोट्या बढाया खोरांच्या वर्तुळात वावरून आम जनतेशी कसे वागलो याचे स्मरण केले तरी आपल्या पराभवाची करणे लक्षात येतील .
कसबापेठ विधानसभा मतदारसंघ मतमोजणीतील टप्पे निहाय मते-
| Candidate | Party | Round 1 | Round 2 | Round 3 | Round 4 | Round 5 | Round 6 | Round 7 | Round 8 | Round 9 |
| Dhangekar Ravindra Hemraj | INC | 5844 | 2751 | 2526 | 4389 | 4131 | 3431 | 2774 | 4623 | 4232 |
| Hemant Narayan Rasane | BJP | 2863 | 4095 | 3709 | 3111 | 2641 | 3930 | 4270 | 2554 | 3085 |
| Tukaram Namdeo Daphal | SSP | 13 | 3 | 3 | 5 | 3 | 7 | 7 | 5 | 11 |
| Baljeet Singh Kochhar | PRP | 6 | 0 | 2 | 1 | 4 | 2 | 1 | 1 | 1 |
| Ravindra Vitthalrao Vedpathak | RMP | 0 | 5 | 1 | 0 | 1 | 1 | 3 | 5 | 2 |
| Anil Hatagale | IND | 5 | 4 | 5 | 4 | 1 | 4 | 3 | 2 | 4 |
| Abhijit Wamanrao Awade-Bichukale | IND | 4 | 0 | 0 | 2 | 7 | 1 | 2 | 3 | 1 |
| Amol S. Tujare | IND | 0 | 1 | 1 | 0 | 1 | 3 | 2 | 1 | 1 |
| Anand Kanhaiyalal Dave | IND | 12 | 31 | 32 | 11 | 4 | 23 | 30 | 22 | 5 |
| Ingale Ajit Pandurang | IND | 0 | 0 | 1 | 2 | 0 | 0 | 2 | 0 | 4 |
| Oswal Suresh Babulal | IND | 2 | 3 | 2 | 3 | 4 | 1 | 6 | 5 | 1 |
| Khisal Jalal Jafri (Laddu) | IND | 4 | 3 | 0 | 0 | 2 | 1 | 0 | 1 | 2 |
| Mote Chandrakant Rambhaji | IND | 0 | 2 | 0 | 3 | 0 | 2 | 1 | 3 | 3 |
| Riyaz Sayyadali Sayyad | IND | 9 | 0 | 0 | 2 | 3 | 1 | 2 | 4 | 3 |
| Santosh Choudary | IND | 4 | 1 | 2 | 3 | 6 | 2 | 4 | 2 | 3 |
| Husen Nasaruddin Shaikh | IND | 5 | 4 | 4 | 19 | 13 | 5 | 6 | 14 | 14 |
| NOTA | NOTA | 86 | 84 | 95 | 97 | 52 | 80 | 113 | 64 | 56 |
| Total | 8857 | 6987 | 6383 | 7652 | 6873 | 7494 | 7226 | 7309 | 7428 |
| Round 10 | Round 11 | Round 12 | Round 13 | Round 14 | Round 15 | Round 16 | Round 17 | Round 18 | Round 19 | Round 20 | Total Votes | % of Votes |
| 3585 | 2925 | 3885 | 3482 | 3845 | 3666 | 4160 | 3701 | 4139 | 4093 | 1012 | 73194 | 53.00 |
| 3764 | 3919 | 2863 | 3233 | 3382 | 2944 | 2740 | 2757 | 2789 | 2845 | 750 | 62244 | 45.07 |
| 10 | 4 | 10 | 7 | 12 | 8 | 10 | 18 | 6 | 9 | 1 | 152 | 0.11 |
| 3 | 1 | 7 | 7 | 2 | 3 | 5 | 2 | 1 | 1 | 0 | 50 | 0.04 |
| 1 | 1 | 3 | 5 | 2 | 3 | 1 | 3 | 1 | 2 | 0 | 40 | 0.03 |
| 1 | 3 | 6 | 7 | 4 | 14 | 14 | 22 | 1 | 3 | 1 | 108 | 0.08 |
| 4 | 7 | 3 | 4 | 0 | 2 | 3 | 3 | 0 | 1 | 0 | 47 | 0.03 |
| 1 | 0 | 2 | 2 | 2 | 4 | 2 | 3 | 1 | 2 | 2 | 31 | 0.02 |
| 33 | 20 | 8 | 9 | 15 | 2 | 4 | 1 | 4 | 28 | 2 | 296 | 0.21 |
| 1 | 0 | 5 | 0 | 1 | 2 | 5 | 2 | 1 | 0 | 0 | 26 | 0.02 |
| 10 | 3 | 0 | 5 | 5 | 2 | 1 | 4 | 2 | 1 | 0 | 60 | 0.04 |
| 0 | 3 | 1 | 1 | 1 | 2 | 5 | 1 | 9 | 10 | 2 | 48 | 0.03 |
| 1 | 2 | 5 | 3 | 1 | 2 | 3 | 4 | 2 | 0 | 1 | 38 | 0.03 |
| 3 | 1 | 4 | 7 | 5 | 0 | 3 | 6 | 5 | 4 | 0 | 62 | 0.04 |
| 1 | 3 | 3 | 10 | 6 | 6 | 5 | 5 | 2 | 3 | 1 | 72 | 0.05 |
| 11 | 11 | 23 | 20 | 13 | 9 | 15 | 22 | 12 | 15 | 3 | 238 | 0.17 |
| 90 | 81 | 76 | 104 | 60 | 43 | 52 | 41 | 49 | 56 | 18 | 1397 | 1.01 |
| 7519 | 6984 | 6904 | 6906 | 7356 | 6712 | 7028 | 6595 | 7024 | 7073 | 1793 | 138103 | 100% |
संपूर्ण महाराष्ट्राचे लक्ष वेधून घेतलेल्या कसबापेठ पोटनिवडणुकीत काँग्रेस उमेदवार रवींद्र धंगेकर यांनी भाजपच्या हेमंत रासने यांचा दारूण पराभव केला. तब्बल २८ वर्षांपासून भाजपच्या ताब्यात असलेल्या गडाला रवींद्र धंगेकर यांनी सुरुंग लावला आहे. या मतदारसंघात २८ वर्षांनंतर कसब्यात निकालाची पुनरावृत्ती झाली आहे. पराभवाची चाहूल लागताच विशिष्ट समाजाला गुलाबी गोडी लावण्याचा भाजपचा प्रयत्न अयशस्वी ठरल्याने पदाधिकारी तोंडघशी पडले आहेत. दरम्यान पहिल्या फेरीपासून अगदी शेवटच्या २१ व्या फेरीपर्यंत रवींद्र धंगेकर यांनी आघाडी कायम ठेवली. दुसऱ्या आणि तिसऱ्या फेरीचा अपवाद वगळता प्रत्येक फेरीत धंगेकर रासनेंना वरचढ ठरले. शनिवार-सदाशिव आणि नारायण पेठ जो भाजपचा बालेकिल्ला मानला जायचा त्यातही जनेतने धंगेकरांना साथ दिली. अपेक्षेप्रमाणे रविवार-शुक्रवार पेठ तसेच लोहियानगर आणि मोमिनपुरा भागातून रवींद्र धंगेकर यांच्यावर जनतेने विश्वास ठेऊन त्यांना भरघोस मतदान केले. अखेर रवींद्र धंगेकर यांनी हेमंत रासने यांना 10 हजार 915 मतांनी पराभवाची धूळ चारत विधानसभेत पाऊल ठेवले आहे.मतदारांना गृहित धरणे भाजपला महागात पडले आहे. कसबापेठ पोटनिवडणुकीतील महाविकास आघाडीचा विजय आगामी काळातील निवडणुकांसाठी अनुकूल ठरणार आहे. त्यामुळे महाविकास आघाडीत आनंदाचे वातावरण निर्माण झाले आहे. भाजपचे अनेक दिग्गज नेते मैदानात असताना आणि दुसरीकडे स्वत: मुख्यमंत्री एकनाथ शिंदे यांनी आपली संपूर्ण ताकद झोकून दिल्यानंतरही रविंद्र धंगेकर यांनी ही किमया नेमकी कशी साधली, याबाबत आता राज्यभरात चर्चा सुरू झाली आहे. पुणे महापालिकेत तब्बल ५ वेळा नगरसेवक म्हणून निवडून आलेल्या रविंद्र धंगेकर यांचा जनसंपर्क कमालीचा आहे. अगदी रात्री १२ वाजताही एखाद्या नागरिकाने मदतीसाठी फोन केला तर धंगेकर यांच्याकडून त्याला प्रतिसाद दिला जातो, अशी त्यांची मतदारसंघात ख्याती आहे. तसंच इतक्या वर्ष नगरसेवक म्हणून काम करूनही चारचाकी गाडीचा वापर न करता ते दुचाकीनेच मतदारसंघात फिरणे पसंत करतात. त्यामुळे नागरिकांचे नेमके काय प्रश्न आहेत, हे जाणून घेत त्याची सोडवणूक करण्यासाठी सतत प्रयत्नशील असलेल्या धंगेकर यांची लोकांची असलेली नाळ अधिकच घट्ट झाली त्यामुळे त्यांना पराभूत करणे भाजपला जिकरीचे गेले. तीन दशकांपूर्वी म्हणजे १९९१ मध्ये पोटनिवडणुकीत गिरीश बापट यांचा पराभव काँग्रेसचे वसंत थोरात यांनी केला होता. आता त्याची पुनरावृत्ती झाली आहे. मात्र यावेळी कारणे वेगळी आहेत. पोटनिवडणुकीत सत्ताधारी जिंकतात असे सर्वसाधारणपणे मानले जाते. मात्र कसब्यातील हा पराभव भाजपच्या जिव्हारी लागणार आहे. जनतेने माझ्यावर मतांचा पाऊस पाडला. खरंतर पहिल्या दिवसांपासून जनतेने ही निवडणूक हातात घेतली होती. कामाचा माणूस निवडून द्यायचा हे जनतेने ठरवलं होतं. जनतेने माझ्यावर आता मोठी जबाबदारी टाकलीये. जनतेच्या आशा आकांक्षा पूर्ण करण्यासाठी इथून पुढच्या सव्वा वर्षात १८-१८ तास काम करेन, अशी प्रतिक्रिया विजयी उमेदवार रवींद्र धंगेकर यांनी दिली आहे. तर जनतेचा कौल मला मान्य आहे. मी कुठे कमी पडलो, याचे मी आत्मचिंतन करेल. भाजप नेतृत्वाने मला उमेदवारी दिली. माझ्यावर विश्वास टाकला, याबद्दल नेतृत्वाचे मी आभार मानतो. धंगेकरांना विजयासाठी शुभेच्छा देतो अशी प्रतिक्रिया भाजपचे पराभूत उमेदवार हेमंत रासने यांनी व्यक्त केली.
