पुणे:
धनकवडी- सहकारनगर क्षेत्रीय कार्यालयात आज सोमवार (ता. २९) दुपारी तीन वाजेपर्यंत प्रभाग क्रमांक ३६,३७ आणि ३८ मधील साधारण ५९ इच्छुक उमेदवारांनी आपले अर्ज उत्साहात दाखल केले.
अनेक इच्छुक उमेदवारांना पक्षाकडून एबी फॉर्म अद्याप न मिळाल्याने उद्या शेवटच्या दिवशी फॉर्म देण्याचे कबूल करत आपले अर्ज दाखल केले. इच्छित पक्षांकडून एबी फॉर्म न मिळाल्याने इच्छुकांमध्ये नाराजी दिसून आली. तसेच ज्यांना एबी फॉर्म मिळाले त्यांनी मात्र वाजत गाजत आपले नामनिर्देशन अर्ज दाखल केल्याचे चित्र दिसून आले. महापालिकेतील सर्वात मोठा प्रभाग असलेल्या प्रभाग क्रमांक ३८ मधून शिवसेनेचे आबा बागूल, भाजप चे उमेदवार महेश वाबळे, संदीप बेलदरे, राणी भोसले यांनी आपले अर्ज दाखल केले. परंतु शिवसेना आणि भाजपा युती जागा वाटपावरून अडलेली चर्चा यामुळे अनेक इच्छुकांवर टांगती तलवार असल्याचे दिसते आहे. अर्ज स्विकृतीकरिता निवडणूक निर्णय अधिकारी सुप्रिया करमरकर, सहायक अधिकारी सुरेखा भणगे, मनीषा भूतकर यांनी काम पाहिले.
काही उमेदवारांनी पक्षाच्या अर्जाबरोबरच अपक्ष अर्ज देखील दाखल करत सावध भूमिका घेतली आहे. जागा वाटपाचा रंगलेला कलगी तुरा उद्या दुपारी तीन वाजेपर्यंत किती रंगणार हे पाहणे औत्सुक्याचे ठरेल. त्याचबरोबर आजच्या रात्रीत पुलाखालून किती पाणी जाणार आहे हे मात्र चर्चेचा विषय ठरेल. पुण्यातल्या वाढत्या थंडीत पक्षांतर आणि चिन्हांतर या दोन गोष्टींचा गरम विषय प्रभागात चर्चीला जातो आहे.
प्रभागनिहाय दाखल झालेले अर्ज (आरक्षणासह)
प्रभाग क्रमांक : ३६ (सहकारनगर- पद्मावती)
अ (अनुसूचित जाती) -०७
ब ( नागरिकांचा मागास प्रवर्ग महिला)- ०७
क ( सर्वसाधारण महिला) – ०२
ड (सर्वसाधारण)- १०
प्रभाग क्रमांक : ३७
अ ( नागरिकांचा मागास प्रवर्ग )- 00
ब ( सर्वसाधारण महिला) – ०३
क ( सर्वसाधारण महिला ) – ०२
ड ( सर्वसाधारण) – ०२
प्रभाग क्रमांक : ३८ ( बालाजीनगर-आंबेगाव-कात्रज )
अ ( नागरिकांचा मागास प्रवर्ग महिला ) – ०५
ब ( नागरिकांचा मागास प्रवर्ग) – ०४
क ( सर्वसाधारण महिला) – ०५
ड ( सर्वसाधारण महिला) – ०२
इ ( सर्वसाधारण )
