पुणे- महानगरपालिका निवडणुकीच्या पार्श्वभूमीवर शहरात वेगवान राजकीय घडामोडी घडत असल्याचं पाहायला मिळत आहेत. मागील काही दिवसांत भाजपमध्ये इतर पक्षांतून मोठ्या प्रमाणात इनकमिंग झालं होतं. मात्र आता उमेदवारी अर्ज दाखल करण्यासाठी अवघे काही तास बाकी असताना भाजपलाही जोरदार गळती लागली आहे.एकीकडे रिपब्लिकन कार्यकर्त्यांनी भाजपा कार्यालयासमोरच धरणे धरत निदर्शने करत भाजपा नेत्यांच्या नावे **** हासडयला सकाळी सुरुवात केली तर दुसरीकडे अजितदादांच्या राष्ट्रवादीत प्रवेशासाठी रांग लागल्याचे दिसले. शहरातील प्रभाग क्रमांक 27 मधून तिकीट न मिळाल्याने माजी नगरसेवक धनंजय जाधव यांनी राष्ट्रवादी काँग्रेसमध्ये प्रवेश करण्याचा निर्णय घेतला तर अजितदादांच्या कडे भाजपचे माजी नगरसेवक शंकर पवार ,कॉंग्रेसचे शिवाजीनगर विधानसभा लढविलेले दत्ता बहिरट आणि बरेच कार्यकर्ते प्रवेशासाठी अंकुश काकडे, योगेश वऱ्हाडे यांच्या सहाय्याने पोहोचल्याचे दिसले .
धनंजय जाधव हे भाजपचे पुणे शहराध्यक्ष धीरज घाटे यांच्या पर्वती – नवी पेठ या प्रभागात इच्छुक होते. मात्र भाजपकडून त्यांचं तिकीट कापण्यात आलं. त्यानंतर जाधव हे अजित पवारांच्या जिजाई या निवासस्थानी दाखल झाले. या प्रवेशामुळे भाजपला मोठा धक्का बसला असून अजित पवारांच्या राष्ट्रवादीकडून त्यांना तिकीट दिलं जाण्याची शक्यता आहे.
भाजपच्या माजी नगरसेविका सुनिता गंलाडे, भाजपचे माजी नगरसेवक शंकर पवार, धनंजय जाधव, संदीप ज०हाड तर राष्ट्रवादी (शरद पवार) पक्षाचे ॲड. निलेश निकम, कॉंग्रेसचे माजी नगरसेवक दत्ता बहिरट, मनसेचे जयराज लांडगे यांनी राष्ट्रवादी काँग्रेस (अजित पवार) गटात प्रवेश केला आहे.
विशेष म्हणजे भाजपने उमेद वारी नाकारल्यामुळे नाराज झालेल्या इच्छुकांनी घडयाळाची वाट धरली आहे. त्यामुळे राष्ट्रवादी काँग्रेस (अजित पवार) पक्षाची ताकद वाढली आहे. पुणे महापालिका निवडणुकीसाठी भाजपमध्ये सर्वाधिक इच्छुक आहेत. त्यामुळे भाजपकडून उमेदवारी निश्चित झाली आहे, त्यांना थेट फोन करून एबी फॉर्मही पोहच करण्यात आले. त्यामुळे भाजपमधील उमेदवारी नाकारलेले अनेक जण नाराज झाले आहेत. त्यातच राष्ट्रवादी (अजित पवार) आणि राष्ट्रवादी (शरद पवार) या दोन्ही राष्ट्रवादीची आघाडी झाली आहे. त्यामुळे या दोन्ही पक्षाची ताकद वाढली आहे. त्यामुळे भाजपचे माजी नगरसेवक शंकर पवार, धनंजय जाधव यांनी राष्ट्रवादी कॉग्रेस अजित पवार गटात प्रवेश केला आहे. भाजपच्या माजी नगरसेविका सुनिता गंलाडे, संदीप ज०हाड यांनही अजित पवार गटात प्रवेश केला आहे. राष्ट्रवादी (शरद पवार) पक्षाचे ॲड. निलेश निकम आणि कॉग्रेसचे माजी नगरसेवक दत्ता बहिरट आणि मनसेचे जयराज लांडगे यांनी राष्ट्रवादी काँग्रेस (अजित पवार) गटात प्रवेश केला आहे.
पुणेभाजपा कार्यालया समोरच आज सकाळी आठवले गटाच्या रिपब्लिकन कार्यकर्त्यांनी जोरदार निदर्शने केली आणि चक्क भाजपा नेत्यांच्या नावानी ++++ हासडल्या . रिपब्लिकन पक्षाच्या कार्यकर्त्यांना उमेदवारी देतो सांगून भाजपा भाजपमधीलच कार्यकर्त्यांना उमेदवारी देत असल्याचा आरोप या कार्यकर्त्यांनी केला. अशाने रिपब्लिकन पक्ष संपायला किंवा एक – दोन कार्यकर्त्यात विभागायला वेळ लागणार नाही असेही म्हणणे कार्यकर्त्यांनी मांडले
