मध्ये धुसफुस, पक्ष कमर्शियल झालाय? नीलम गोऱ्हेंनी सगळं सांगितलं
पुणे- महापालिकेसाठी दोन्ही राष्ट्रवादीच्या आघाड्यांची चर्चा सुरू असताना इकडे…शिवसेना-भाजपमध्येही धुसफूस सुरू असल्याचे चित्र आहे. जागा वाटपाच्या चर्चा सुरू असताना शिवसेनेला झुकते माप दिल्याचा शिवसैनिकाचा आरोपअगदी १५ पेक्षा अधिक जागा मिळणार नाहीत, असे संकेत भाजपने दिल्यावर…शिवसेनेचे इच्छुक उमेदवार आणि त्यांचे कार्यकर्ते चांगलेच खवळले आहेत. त्यांनी शिवसेना नेत्या नीलम गोऱ्हे यांच्या पुण्यातील घराच्या समोर आंदोलन केले.
यावर शिवसेना नेत्या नीलम गोऱ्हे यांनी प्रतिक्रिया दिली आहे. त्या म्हणाल्या, मी शिवसैनिकांना सांगितलं आहे की अंतिम निर्णय पक्षप्रमुख घेतील. पक्ष कमर्शियल झाला आहे का? या प्रश्नावरही त्यांनी प्रत्युत्तर दिलं आहे.
शिवसेना शिंदे गटाकडून 20 ते 25 जागांची मागणी करण्यात आली असून, एवढ्या जागा देण्यास भाजप तयार नसल्याची माहिती समोर येत आहे. याच नाराजीचा उद्रेक मंगळवारी उघडपणे पाहायला मिळाला. शिवसेनेचे काही इच्छुक उमेदवार आणि कार्यकर्ते थेट शिंदे गटाच्या नेत्या नीलम गोऱ्हे यांच्या निवासस्थानाबाहेर जमा झाले आणि जोरदार घोषणाबाजी करत त्यांनी आंदोलन छेडलं. या आंदोलनादरम्यान शिवसेनेच्या नेतृत्वावर गंभीर आरोप करण्यात आल्याने पक्षांतर्गत अस्वस्थता उघड झाली आहे.शिवसेनेच्या पुण्यातील काही नेत्यांनी निवडणुकीची तिकिटं ‘कमर्शियल’ पद्धतीने देण्याचं ठरवल्याचा गंभीर आरोपही यावेळी करण्यात आला. भाजप जे सांगेल तेच ऐकण्याचं काम शिवसेनेचे काही नेते करत असल्याची भावना कार्यकर्त्यांनी व्यक्त केली.
