पुणे -आज झालेल्या मतमोजणीत जिल्ह्यातील 17 पैकी 9 पालिकांमध्ये राष्ट्रवादी काँग्रेसचे 9 नगराध्यक्ष निवडून आलेत. तर शिंदे गटाला 4, तर भाजपला अवघ्या 3 जागांवर समाधान मानावे लागले आहे. एकही जागा महाविकास आघाडीला जिंकता आली नाहीय. नगराध्यक्षपदासाठी ११९ उमेदवार रिंगणात होते .यामुळे पुणे जिल्ह्यावर अजित पवारांचीच जादू असल्याचे पुन्हा एकदा अधोरेखित झाले आहे. लोणावळ्यात राष्ट्रवादीचे राजेंद्र सोनवणे, दौंडमध्ये दुर्गादेवी जगदाळे, शिरूर येते ऐश्वर्या पाचरणे, इंदापुरात भरत शाह, जेजुरीत जयदीप बारभाई, भोरमध्ये रामचंद्र आवारे, बारामतीत सचिन सातव, फुरसुंगी येथे संतोष सरोदे व वडगाव मावळ नगरपंचायतीत राष्ट्रवादीच्या आंबोली ढोरे विजयी झाल्या.
नगरपरिषद आणि नगरपालिका निवडणुकीत अजित पवार यांच्या गटानं मोठं यश मिळवलंय. पुणे जिल्ह्यात राष्ट्रवादी काँग्रेस अजित पवार गटानंतर नगराध्यक्षपदाच्या चार जागा शिवसेना शिंदे गटानं तर तीन जागा शिवसेनेनं जिंकल्या आहेत. पुणे जिल्ह्यात अजित पवार यांनी दबदबा कायम राखला आहे.
पुणे जिल्ह्यातील निवडून आलेले नगराध्यक्ष पक्ष
१ बारामती सचिन सातव राष्ट्रवादी काँग्रेस पार्टी अजित पवार गट
२ लोणावळा राजेंद्र सोनवणे राष्ट्रवादी काँग्रेस पार्टी अजित पवार गट
३ तळेगाव संतोष दाभाडे भाजपा महायुती
४ दौंड दुर्गादेवी जगदाळे राष्ट्रवादी काँग्रेस पार्टी अजित पवार गट
५ चाकण मनीषा गोरे शिवसेना
६ शिरूर एश्वर्या पाचरणे राष्ट्रवादी काँग्रेस पार्टी अजित पवार गट
७ इंदापूर भरत शाह राष्ट्रवादी काँग्रेस पार्टी अजित पवार गट
८ सासवड आनंदी काकी जगताप,भाजपा
९ जेजुरी जयदीप बारभाई राष्ट्रवादी काँग्रेस पार्टी अजित पवार गट
१० भोर रामचंद्र आवारे राष्ट्रवादी काँग्रेस पार्टी अजित पवार गट
११ आळंदी प्रशांत कुराडे भाजपा
१२ जुन्नर सुजाता काजळे शिवसेना एकनाथ
१३ राजगुरुनगर मंगेश गुंडा शिवसेना एकनाथ शिंदे
१४ वडगाव मावळ आंबोली ढोरे राष्ट्रवादी काँग्रेस पार्टी अजित पवार गट
१५ मंचर राजश्री गांजले शिवसेना एकनाथ शिंदे
१६ माळेगाव सुयोग सातपुते राष्ट्रवादी काँग्रेस पार्टी अजित पवार गट
१७ उरुळी फुरसुंगी संतोष सरोदे राष्ट्रवादी काँग्रेस पार्टी अजित पवार
