अभिनेता अनिल कपूरचा उल्लेखनीय प्रवास ” भारतातील पहिल्या  सुपरहिरोपासून ते हॉटस्टारचा सुपरहिट  खलनायक ! ” 

भारतातील पहिल्या अदृश्य सुपरहिरोपासून ते हॉटस्टारच्या सर्वाधिक आवडत्या खलनायका पर्यंत अभिनेता अनिल कपूर यांच्या अतुलनीय अष्टपैलुत्वाचा प्रवास ! 
भारतीय चित्रपटसृष्टीच्या क्षेत्रात असे काही कलाकार असतात जे इतर कलाकारा पेक्षा अधिक चमकतात आणि पिढ्यानपिढ्या टिकून राहणारा वारसा चालवतात. नेहमीच प्रेक्षकांच्या मनावर छाप सोडणारा सदैव मोहक अभिनेता म्हणजे अनिल कपूर ! हा एक खरा आयकॉन आहे ज्याने कायम प्रेक्षकांच्या मनात आपल अनोखं स्थान निर्माण केलं आहे. भारतातील पहिल्या अदृश्य सुपरहिरोच्या भूमिकेपासून ते छोट्या पडद्यावर एक खलनायक म्हणून प्रेक्षकांना भुरळ घालण्यापर्यंत अनिल कपूरचा प्रवास हा नेहमीच लक्षवेधी ठरला आहे.
भारतीय सिनेमाच्या सुवर्णकाळा मध्ये राष्ट्रीय पुरस्कार विजेता चित्रपट निर्माता शेखर कपूर दिग्दर्शित मिस्टर इंडिया या अविस्मरणीय चित्रपटातून अनिल ने पदार्पण केलं. 1987 मध्ये रिलीज झालेल्या या कल्ट क्लासिकने अनिल कपूरला एक अनोखं स्थान निर्माण करून दिलं. अरुण वर्माच्या रूपात अनिल कपूरने आपल्या करिष्मा आणि अनोख्या अभिनय कौशल्याने प्रेक्षकांची मन जिंकली. 
अनिल कपूर याने आपल्या सिनेमॅटिक प्रवासाने नेहमीच सगळ्यांना भुरळ घातली आहे. हॉटस्टार च्या द नाईट मॅनेजरमध्ये अनिल कपूरने शेली रुंगटाची भूमिका साकारली आणि पुन्हा एकदा आपल्या अभिनयाची जादू दाखवली.
पण अनिल कपूरचा प्रवास एवढ्यावरच थांबत नाही तर अभिनयाच्या त्याच्या प्रवासात अनिल कपूर पुन्हा एकदा बहुप्रतिक्षित ” फायटर ” या भारतातील पहिला एरियल अॅक्शन चित्रपटात दिसणार आहे. सिद्धार्थ आनंद दिग्दर्शित या चित्रपटात तो हृतिक रोशन आणि दीपिका पदुकोणसोबत स्क्रीन शेअर करताना दिसणार आहे.