शुक्रवार पेठेत राहत होते दोघेच …
पुणे-६२ वर्षे वयाच्या निवृत्त बँक कर्मचाऱ्याने आपल्या ५८ वर्षीय पत्नीची हत्या करून स्वतः गळफास घेऊन आत्महत्या केल्याचा प्रकार पुण्यातील शुक्रवार पेठेत घडला. खडक पोलीस ठाण्यातील सहायक पोलीस निरीक्षक लक्ष्मण सोनावणे यांनी याप्रकरणी पोलिसात तक्रार दाखल केली आहे आणि पोलीस निरीक्षक विनायक पाटणकर अधिक तपास करत आहेत.
हेमंत रामकृष्ण थोरात (वय ६२,रा.स.नंबर २९०,आशा को ऑप. सोसायटी ,शुक्रवार पेठ पुणे )असे या निवृत्त बँक कर्मचाऱ्याचे नाव आहे. हेमंत हे आपली पत्नी सुनीता (वय ५८ ) यांच्या समवेत येथे ३ क्रमांकाच्या सदनिकेत राहत होते , मुले त्यांच्यासमवेत राहत नव्हती .काल्साकली पावणे आठ पूर्वी म्हणजे रात्रीच्या वेळेत हा प्रकार घडल्याचे पोलिसांनी सांगितले. हेमंत यांनी प्रथम आपल्या पत्नीला गळा आवळून ठार मारले त्यानंतर स्वतः दोरीने गळफास घेऊन आत्महत्या केली . मानसिक त्रास सहन न झाल्याने हेमंत यांच्या कडून हे कृत्य घडले असावे असे पोलिसांचे म्हणणे आहे.

