जाहिरातींचे पैसे कोणी कोणाला दिले याची चौकशी होऊन जनतेला समजायला हवे
ठाण्यात १०० लोकांना सरकारी संरक्षण, गैर धंदे करणारांना सरकारी खर्चाने संरक्षण कशाला ?
मुंबई- शिंदे सेनेच्या नव्या जाहिरातीमुळे विरोधकांसह आता भाजपकडूनदेखील नाराजी व्यक्त करण्यात येत आहे. या प्रकरणी विरोधी पक्षनेते अजित पवार यांनी प्रचंड खर्चाच्या जाहिराती देणारा शिन्देसेनेचा अज्ञात हितचिंतक कोण आहे, यावर भाजपच्या मंत्र्यांचा फोटा का नाही, असा सवाल उपस्थित केला आहे.अजित पवार म्हणाले की, शिन्देसेनेला असा कोण हितचिंतक मिळाला त्याचे नाव तरी त्यांनी सांगावे. ज्यांच्या पाठिंब्यावर हे स्वत: मुख्यमंत्री आणि काही मंत्री झाले, त्याच पक्षाला हा खोडसाळपणा वाटतोय, असा टोला पवारांनी लगावला आहे.
या प्रकरणी भाजप नेते प्रवीण दरेकर यांच्यासह खासदार अनिल बोंडे यांनी त्यांची नाराजी बोलून दाखवली आहे. याच नव्या जाहिरीतीवरून आता विरोधी पक्ष नेते अजित पवार यांनी थेट मुख्यमंत्री एकनाथ शिंदे यांनाच संतप्त सवाल केला आहे.विरोधी पक्षनेते अजित पवार म्हणाले की, इतक्या प्रचंड खर्चाच्या जाहिराती देणारा शिवसेनेचे हितचिंतक कोण आहे? जाहिरातीबाबत आम्ही उपस्थित केलेल्या प्रश्नांची उत्तरे त्यांनी द्यायला पाहिजे होती. नवी जाहिरात म्हणजे आधीच्या चुका दुरुस्त करण्याचा प्रयत्न आहे. यामध्ये तुम्ही भाजप आणि शिवसेनेचा जाहिरातीत उल्लेख केला आहे तर मग फक्त शिवसेनेच्या 9 मंत्र्यांची खाली माळ लावली आहे. भाजपच्या मंत्र्यांचे फोटो का टाकले नाहीत, अशी विचारणा अजित पवार यांनी केली.
आजच्या छापून आलेल्या आजच्या जाहिरातीत शिंदे गटाने बाळासाहेब ठाकरे, दिवंगत शिवसेना नेते आनंद दिघे, देवेंद्र फडणवीस यांच्यासह शिंदे गटातील 9 मंत्र्यांचे फोटो छापले आहेत. हे सगळे फक्त सोबत असलेले आमदार फुटू नये म्हणून शिंदे गटाकडून प्रयत्न सुरू आहेत.
