![](https://mymarathi.net/wp-content/uploads/2023/06/FyQqEpMWAAAzlJL-1024x576.jpg)
Good its sufficiently far off from the coast.
मुंबईपासून सुमारे 620 किलोमीटरवर VSCS बिपरजॉय… ते किनार्यापासून पुरेशा दूर आहे.
पुणे-केरळमध्ये दाखल झालेल्या मान्सूनने अखेर कर्नाटकात मुसंडी मारली असून, तो येत्या 48 तासांत महाराष्ट्रात येण्याची शक्यता हवामान विभागाने वर्तवली आहे.मान्सूनने आज पश्चिम किनारपट्टीवरच्या कर्नाटकातल्या कारवारपर्यंत मजल मारली आहे.येणाऱ्या दोन दिवसांत गोवा आणि महाराष्ट्राचा काही भाग व्यापण्याची शक्यता वर्तवली जातेय.
![](https://mymarathi.net/wp-content/uploads/2023/06/FyQxYiYWYAAtxZf.jpg)
यंदा मान्सूनची गाडी केरळात लेट पोहचली. नियोजित वेळेपेक्षा आठवडाभराचा विलंब झाला. त्यामुळे दुष्काळाची भीती व्यक्त करण्यात आली होती. मात्र, आता लांबलेल्या मान्सूनने कर्नाटकचा काही भाग, बंगालच्या उपसागरात प्रवेश केला आहे. आता येणाऱ्या दोन-तीन दिवसांत महाराष्ट्राची किनारपट्टी, गोवा, अरबी समुद्राचा मध्य भाग मान्सूने व्यापण्याची शक्यता वर्तवण्यात येत आहे.
![](https://mymarathi.net/wp-content/uploads/2023/06/FyP_52qX0AQwu0Q-1024x879.jpg)
कोकणात शनिवारी सायंकाळी सहाच्या सुमारास मान्सूनपूर्व पावसाने हजेरी लावली.पुण्यात पाचच्या सुमारापर्यंत आकाशात ढग नव्हते. मात्र, सायंकाळी ढगांनी गर्दी केली. गेल्या दोन-चार दिवसांपासून उष्णता वाढली होती.
यंदा देशभरात पाऊस कमी होण्याची भीती तज्ज्ञांनी व्यक्त केली आहे. सोबत हवामान खात्याचीही ही अंतर्गत माहिती असल्याचे समजते. त्यात महाराष्ट्र, गोवा, कर्नाटक, आंध्र प्रदेश, गुजरात, केरळ, तामिळनाडू, ओडिशा, पश्चिम बंगाल या राज्यांसह इतर चार केंद्र शासित प्रदेशामध्ये मान्सून गुंगारा देण्याची भीती आहे. मात्र, तूर्तास तरी मान्सून दाखल होण्याची आशा निर्माण झाली आहे. आता येणाऱ्या काळात तो कसा बरसणार याची उत्सुकता लागून आहे.