निलेश राणे याद राखा तुमची दादागिरी इकडे चालणार नाही–
पुणे- शरद पवार यांच्या विषयी निलेश राणे यांनी केलेले वक्तव्य त्यांची केलेली औरंगजेबाशी तुलना आणि त्यातच सोशल मीडियातून एकाने शरद पवारांना ‘ तुमचा दाभोलकर करू ‘ अशी दिलेली धमकी यामुळे पवार यांना मानणाऱ्या कार्यकर्त्यांत संतापाची लाट उसळली असून आज पुण्याचे माजी उपमहापौर दीपक मानकर यांनी आपली प्रतिक्रिया व्यक्त केली आहे.
पवार साहेबांना जीवे मारण्याची धमकी देणाऱ्याला त्यांनी खुले चालेंज दिले आहे. माकडा जर तुझ्या XXX मध्ये दम असेल तर ये पुढे …असे ते म्हणालेत,कोणीही उठतो आणि पवारांना धमकी काय देतो त्यांच्याविषयी काहीही काय बोलतो हे आता अजिबात खपवून घेतले जाणार नाही.ज्याने धमकी खरेच दिलीय त्याने पुढे यावे.सुप्रियाताई यांना आम्ही एवढाच शब्द देतो,अशी माकडे आम्ही खूप बघितलीत आपण काळजी करू नये.नारायण राणे यांचे पुत्र निलेश राणे यांनी त्यांची थेट औरंगजेबाशी तुलना करणे म्हणजे अति झाले,त्या राणेंची दादागिरी इथे चालणार नाही,कोणी कोणाला घाबरत नाही, पवार साहेबांच्या बद्दल जर काही वक्तव्ये केली तर त्याची प्रतिक्रिया जोरदार उमटेल हे समजून त्यांनी यापुढे विधाने केली पाहिजेत अन्यथा आता आम्ही खपवून घेणार नाही असे ते म्हणाले. मुगलांच्या राज्यात काय घडलेय हे सर्वांना ठाऊक आहे.पवार साहेब छत्रपती शिवाजी महाराजांच्या विचारानुसार महाराष्ट्रासाठी वाटचाल करत आहेत.एवढा मोठा चांगला नेता मिळालाय हे महाराष्ट्राचे भाग्य आहे.गोपीचंद पडळकर याची काय क्षमता आहे? किती काम आहे /त्यांची पवारांशी तुलना होऊ शकते काय ? हिंदुत्व कोणी कोणाला शिकवू नये अमृत देखील नासविण्याचे काम धर्म मार्तंडानी केले,ज्ञानेश्वर माऊलींची पालखी आता कौतुकाने नेली जाते,पण याच माउलींचा छळ कोणी केला ? अगदी रेड्याच्या मुखातून त्यांना वेद वदवावे लागले तेव्हा त्यांना मान्यता मिळाली.तेव्हा धर्माच्या नावाखाली कोणी अधर्मीपणा केला तर तो आम्ही खपवून घेणार नाही.
