पुणे- सरकारची हाजी हाजी करणाऱ्या काही अधिकाऱ्यांनी हेल्मेटचे पुणेकर स्वागत करत आहेत अशा बातम्या पेरायला सुरुवात केली असली तरी पुण्यातून आजही ७५ टक्के नागरिकांचा हेल्मेटला विरोधच असल्याचे स्पष्ट झाले आहे.सीसी टीव्ही द्वारे हेल्मेटचे दंड लादून लोक अदालत द्वारे त्यांची बार्गेनिंग करत वसुली सुरु आहे. बहुमताने शहरात हेल्मेटला विरोध असताना,तो लादून केलेली वसुली हि जाचक आणि अन्यायकारक ठरते आहे. लोकांना रोजगार देऊ न शकणाऱ्या अधिकाऱ्यांना आणि सरकारला हा हक्क आहे काय? लोकांच्या जीवाची पर्वा लोकांना नाही आणि फक्त सत्तेवर येणाऱ्यांना च आहे काय? हेल्मेटचा वापर ऐच्छिक ठेवावा असा निर्णय सर्वपक्षीय नेत्यांनी पुण्यात प्रशासनासमवेत बैठका घेऊन अनेकदा केलेला असताना वारंवार हेल्मेट चे भूत का यांच्या डोक्यावर बसते आहे जे लोक वातानुकुलीत मोटारीने फिरत आहेत ? हे न समजण्या इतके लोक दुध खुळे राहिलेले नाहीत.हेल्मेट चा दंड ज्यांनी ज्यांनी भरला असेल त्यांनी त्यांनी निवडणुकीत आता त्या त्या सरकारच्या उमेदवारांना वचपा दाखवावा हाच एक पर्याय आता जनतेपुढे उरला आहे.. हेल्मेट सक्ती,पोलीसाकरवी तरुणाईला अडवून वसुली या बाबी आणि बेरोजगारी,महागाई याबाबी आता निवडणुकीत उफाळून आल्याशिवाय राहणार नाहीत
दरम्यान काल परिवहन विभागाने ६५० विनाहेल्मेट दुचाकीस्वारांवर दंडात्मक कारवाई केली, अशी माहिती प्रादेशिक परिवहन अधिकारी अजित शिंदे यांनी दिली.पुणे शहर वाहतूक शाखेने चौका चौकात यासाठी अधिकचे मनुष्यबळ नेमले होते. यामध्ये ४३ अधिकारी आणि ५०० अंमलदार ५१ चौक आणि शासकीय आस्थापनांच्या आवारात लाक्षणिक हेल्मेट दिवस उपक्रमात सहभाग घेतला. हेल्मेटधारी दुचाकीस्वार महिला पुरुषांनी या उपक्रमाचे स्वागत केले. पोलिसांनी हेल्मेट वापराचे महत्व प्रबोधनातून पटवून दिले. यावेळी विनाहेल्मेट वाहन चालविल्याबद्दल १ हजार ६२६ दुचाकीस्वारांवर कारवाई करण्यात आली. यामध्ये ८ लाख १३ हजार रुपयांहून अधिक दंड आकारण्यात आला, अशी माहिती वाहतूक विभागाचे पोलीस उपायुक्त विजयकुमार मगर यांनी दिली.
