मुंबई-अजित पवार यांच्या पत्नी सुनेत्रा पवार या महाराष्ट्राच्या पहिल्या महिला उपमुख्यमंत्री झाल्या आहेत. शनिवारी दुपारी 2 वाजता त्यांची राष्ट्रवादी काँग्रेसच्या विधिमंडळ पक्षाच्या नेत्या म्हणून निवड झाली. सायंकाळी 5 वाजता त्या राज्याच्या पहिल्या महिला उपमुख्यमंत्री म्हणून त्यांनी शपथ घेतली.
सुनेत्रा पवार यांची पक्षनेते म्हणून निवड करण्यासाठी विधानभवनात राष्ट्रवादी काँग्रेसच्या विधिमंडळ पक्ष आणि विधानपरिषद सदस्यांची बैठक बोलावण्यात आली होती. तिथे दिलीप वळसे पाटील यांनी त्यांच्या नावाचा प्रस्ताव ठेवला.
उपमुख्यमंत्रीपदाची शपथ घेण्यापूर्वी सुनेत्रा यांनी राज्यसभेतील खासदारपदाचा राजीनामा दिला. 28 जानेवारी रोजी बारामती येथे झालेल्या विमान अपघातात अजित पवार यांचे निधन झाल्यानंतर उपमुख्यमंत्रीपद रिक्त झाले होते.
अजित पवार अमर रहे, एकच वादा अजित दादा, अशा घोषणा सभागृहात देण्यात आल्या. अत्यंत साध्या पद्धतीने हा शपथविधी सोहळा पार पडला.
महायुतीचे महत्त्वाचे नेते उपस्थित-प्रफुल्ल पटेल,सुनील तटकरे,छगन भुजबळ,हसन मुश्रीफ,नरहरी झिरवाळ,इंद्रनील नाईक,चंद्रशेखर बावनकुळे,आशिष शेलार,धनंजय मुंडे,विक्रम काळे,संजय खोडके,अनिल पाटील,हिरामण खोसकर
