पुणे: टिळक रस्त्यावर हिराबाग चौकातच काल डांबरीकरण केलेलाच रस्ता 24 तास पाणीपुरवठा यंत्रणेसाठी आज खोदण्यात आल्याचा प्रकार राष्ट्रवादी अर्बन सेल पुणे शहराध्यक्ष नितीन कदम तसेच राष्ट्रवादी काँग्रेस पक्षाचे चिटणीस अभिजीत बारवकर, माहिती अधिकार सेलचे प्रमुख दिनेश खराडे यांनी निदर्शनास आणून देऊन याबद्दल अधिकाऱ्यांचा उपरोधिक सत्कार करण्याचा आज येथे प्रयत्न केला.
याप्रकरणी कदम यांनी सांगितले की ,पुणे शहरातील सर्व प्रमुख रस्त्यांवर जी 20 परिषदेच्या माध्यमातून डांबरीकरण करण्याचे काम करण्यात आलेले आहे. तसेच पुणे महानगरपालिकेकडून अंदाजपत्रकीय तरतुदी मधून देखील शहरातील प्रमुख रस्ते व नव्याने होणारे डीपी रस्ते यांचे डांबरीकरण व सिमेंट काँक्रिटीकरणाचे काम चालू असते.
पुणे महानगरपालिकेकडून समान पाणीपुरवठा योजनेचे काम शहराच्या जुन्या हद्दीत चालू असून त्याचा कृती आराखडा मान्य झालेला आहे. सदर आराखडा पाणीपुरवठा, पथ, ड्रेनेज विभागाकडील तसेच सर्व क्षेत्रीय कार्यालयाकडील अभियंते यांच्याकडे असणे अपेक्षित असून प्रत्येक अधिकाऱ्याने आपापल्या कार्यक्षेत्रांतर्गत विकास कामे करताना अथवा निविदा प्रसिद्ध करताना समान पाणीपुरवठा योजनेच्या कामातून कुठे कुठे खोदाई करण्यात येणार आहे, कुठे कुठे खोदाई झालेली आहे याची तंतोतंत माहिती ठेवणे अपेक्षित आहे. परंतु अशाप्रकारे जबाबदारीने महानगरपालिकेकडील अभियंत्यांकडून काम होत नसल्याने पुणेकरांच्या कररुपी पैसा वाया जात असल्याचे उत्तम उदाहरण पथविभागाचे प्रमुख कुलकर्णी यांच्या निदर्शनास आणून दिले पुणे शहरातील अत्यंत महत्त्वाचा असलेला टिळक रस्ता हिराबाग चौक येथे काल डांबरीकरण करण्यात आले असून आज सकाळी या ठिकाणी मोठ्या प्रमाणात खोदयचे काम समान पाणीपुरवठा योजनेचे चालू करण्यात आले यामुळे पुणेकरांच्या कररुपी पैशाचा नाहक चुराडा प्रशासनामुळे होत आहे या सर्व असे प्रकार शहरात अनेक ठिकाणी चालू असून पुणे महानगरपालिका रस्त्यावरील खड्ड्यांची दुरुस्ती करण्यासाठी कोट्यावधींचे टेंडर करते सब सर्व विभागांचे नियोजन व समन्वय करून शहरात कामे केल्यास खुदाई व डांबरीकरणांमध्ये कोठेवधी रुपये वाचून शहरातील अनेक विकास कामांना गती मिळेल ही बाब आम्ही अधिकाऱ्यांच्या लक्षात आणून त्यांचा सत्कार केलाय .
