पुणे-जुन्या पुणे-मुंबई महामार्गावर खासगी बस दरीत कोसळल्याची घटना घडली आहे. या भीषण अपघातात 13 प्रवाशांचा मृत्यू झाला आहे. तर, 29 जण जखमी झाले आहेत.बोरघाटातील शिंगरोबा मंदिराजवळ आज पहाटे चार वाजण्याच्या सुमारास ही घटना घडली. या खासगी बसमध्ये 42 प्रवासी होते. 13 जणांचा मृत्यू झाला आहे. एका जणाचा मृतदेह अद्याप सापडलेला नाही. त्याचा शोध सुरू आहे. तर, या दुर्घटनेत 29 प्रवासी जखमी झाले आहेत. या जखमी प्रवाशांना दरीतील बसमधून बाहेर काढण्यात आले आहे, अशी माहिती पोलिसांनी दिली आहे. उर्वरित प्रवाशांना बाहेर काढण्यात येत आहे. पहाटे चालकाचे बसवरील नियंत्रण सुटल्याने बस दरीत कोसळल्याची प्राथमिक माहिती आहे. रात्रीच पुण्याहून ही बस मुंबईला निघाली होती.
घटनेची माहिती मिळताच प्रशासनाने बचावकार्य हाती घेतले आहे. आतापर्यंत 29 जखमी प्रवाशांना बाहेर काढण्यात आले आहे. या जखमी प्रवाशांना खोपोली नगरपालिकेच्या रुग्णालयात दाखल करण्यात आले आहे. सध्या त्यांच्यावर उपचार सुरु आहेत. मात्र, आणखी प्रवासी बसमध्ये अडकल्याची माहिती मिळत आहेत. बचावपथकांकडून त्यांना बाहेर काढण्याचे काम युध्दपातळीवर सुरु आहे.
रायगडचे पोलीस अधीक्षक सोमनाथ घार्गे यांनी माध्यमांना सांगितले की, खाजगी बसमध्ये मुंबईतील गोरेगावमधील बाजी प्रभु वादक गट (झांज पथक) होते. ते सर्वजण पुण्याचा कार्यक्रम संपवून गोरेगाव येथे जात होते. यावेळी ही दुर्घटना घडली. बसमध्ये आणखी काही प्रवासी अडकल्याची भीती आहे. दरीत कोसळलेल्या बसमधून प्रवाशांना बाहेर काढण्यासाठी पोलिसांच्या मदतीला स्थानिक हायकर्स ग्रुप आणि आयआरबी टीम दाखल झाली आहे.
एमजीएम रुग्णालयात दाखल करण्यात आलेल्या जखमींची नावे
1) आशिष विजय गुरव, (वय 19), दहिसर मुंबई. 2) यश अनंत सकपाळ, (वय 17) गोरेगाव, मुंबई, 3) जयेश तुकाराम नरळकर (वय 24) कांदिवली, मुंबई, 4) वृषभ रवींद्र कोरमे, (वय 14) गोरेगाव, मुंबई, 5) रुचिका सुनील डुमणे (वय 17), गोरेगाव, मुंबई, 6) आशिष विजय गुरव, (वय १९) दहिसर, मुंबई 7) ओंकार जितेंद्र पवार (वय 25) खोपोली, रायगड 8) संकेत चौधरी (वय 40) गोरेगाव, मुंबई 9) रोशन शेलार (वय 35) मुंबई 10) विशाल अशोक विश्वकर्मा (वय 23) गोरेगाव, मुंबई 11) निखिल संजय पारकर (वय 18) मुंबई 12) युसुफ मुनीर खान (वय 13) मुंबई 13) कोमल बाळकृष्ण चिले (वय 15) सांताक्रुज, मुंबई 14) अभिजीत दत्तात्रेय जोशी (वय 20) गोरेगाव, मुंबई 15) मोहक दिलीप सालप (वय 18) मुंबई 16) दिपक विश्वकर्मा, (वय २०) गोरेगाव 17) सुरेश बाळाराम अरोमुक्कंम (वय १८) गोरेगाव
खोपोली नगरपालिका हॉस्पिटलमधील जखमींची नावे
१) नम्रत रघुनाथ गावनुक, (वय १८) गोरेगाव, २) चंद्रकांत महादेव गुडेकर, (वय 29) गोरेगाव, मुंबई ३) तुषार चंद्रकांत गावडे, (वय 22) ४) हर्ष अर्जुन फाळके, (वय 19) विरार ५) महेश हिरामण म्हात्रे, (वय २०) गोरेगाव, मुंबई ६) लवकुश रणजीत कुमार प्रजापति, (वय 16) गोरेगाव, मुंबई ७) शुभम सुभाष गुडेकर, (वय 22) गोरेगाव 8) ओम मनीष कदम, (वय १८) गोरेगाव, मुंबई. 9) मुसेफ मोईन खान, (वय २१) गोरेगाव, मुंबई
खाजगी रुग्णालय जाकोटिया रुग्णालयातील जखमींची नावे
१) सनी ओमप्रकाश राघव, वय २१ वर्षे, रा. खोपोली,रायगड.
खालापूर रुग्णालयातील मयतांची नावे
१) जुई दिपक सावंत, १८ वर्ष, गोरेगाव, मुबई
