अजित पवारांविरोधात तक्रार दाखल करणाऱ्या भाजप पदाधिकाऱ्याची पार्श्वभूमी गुन्हेगारी-कारवाईची राष्ट्रवादीकडून मागणी

पुणे-अजित पवारांविरोधात तक्रार दाखल करणाऱ्या भाजप पदाधिकाऱ्याची पार्श्वभूमी गुन्हेगारी असून त्याच्या गुन्हेगारी कृत्यावर कारवाई कारवाई अशी मागणी राष्ट्रवादी कॉंग्रेसच्या शिष्टमंडळाने पुण्याच्या पोलीस आयुक्तांना समक्ष निवेदन देऊन केली आहे . यासंदर्भात राष्ट्रवादीचे शहर अध्यक्ष प्रशांत जगताप यांनी सांगितले कि,’भाजपचा शिवाजीनगर अध्यक्ष रवींद्र साळेगावकर याने विरोधी पक्षनेते अजित पवार यांच्या विषयी एक तक्रार दिलेली आहे. सदर इसम हा राजकीय कार्यकर्त्याच्या वेशातील एक गुंड प्रवृत्तीची व्यक्ती असून काही वर्षांपूर्वी या व्यक्तीला खुनाच्या आरोपांमध्ये अटक केलेली होती, तसेच तो काही वर्ष जेलमध्ये सुद्धा जावून आलेला आहे .त्याचा कब्जा असलेल्या ज्या जमिनीचा सदर ईसमाने उल्लेख केलेला आहे ती जमीन गोयल नामक व्यक्तीची आहे व त्यात अजितदादांचा दूरवर कोणताही संबंध नाही ,गुन्हेगारी क्षेत्रात आपले वर्चस्व वाढवण्याकरिता व एका लोकप्रिय नेत्यावरती आपण काही आरोप केले तर त्यातून प्रसिध्दी मिळून आपल्या वरिष्ठांना खुश करण्याकरिता त्याने अजितदादांवरती आरोप केले आहेत.सदर इसम हा वेगवेगळ्या गुन्हेगारी कूत्यात सहभागी असुन दोन महीण्यांपुर्वी आत्महत्या केलेल्या भूषण शंकर शिंदे यांच्या व त्यांच्या वडिलांच्या मुत्यूस कारणीभूत असल्याचा दाटसंशय आहे , सदर प्रकरणाचा अत्यंत काटेकोरपणे तपास होवून दोशी व्यक्तिस कडक शासन होण्याकरीता आपणाकडून योग्य ती कार्यवाही व्हावी अशी मागणी पुणे शहर पोलीस आयुक्त रितेशकुमार यांना शहराध्यक्ष प्रशांत जगताप , प्रवक्ते प्रदीप देशमुख ,उदय महाले , संदीप बालवडकर , दिपक कामठे , शशिकांत जगताप यांच्या शिष्टमंडळाने केली