पुणे : विद्यार्थी साहाय्यक समितीच्या कार्यकारी विश्वस्त पदी माजी विद्यार्थी तुषार रंजनकर यांची निवड करण्यात आली. अध्यक्षपदी ज्येष्ठ उद्योजक प्रतापराव पवार यांची फेरनिवड झाली आहे. नुकत्याच झालेल्या विश्वस्त मंडळाच्या बैठकीत २०२३ ते २०२६ या तीन वर्षांकरिता नवे विश्वस्त मंडळ निवडण्यात आले.
सभासद, सल्लागार, कार्यकर्ता या गटातून निवडणूक बिनविरोध झाली. विश्वस्त मंडळाच्या खजिनदारपदी संजय अमृते, सल्लागार मंडळ कार्यवाह पदी ज्योती गोगटे यांची तर स्वीकृत सदस्य म्हणून तुकाराम गायकवाड, मकरंद फडके, प्रीती राव यांची निवड करण्यात आली.
नव्या विश्वस्त मंडळात प्रतापराव पवार, भाऊसाहेब जाधव, विजय पुसाळकर, तुषार रंजनकर, संजय अमृते, रत्नाकर मते, तुकाराम गायकवाड, मकरंद फडके, प्रीती राव, ज्योती गोगटे, सुनंदा माने, विनया ठोंबरे, मनोज गायकवाड यांचा समावेश आहे.
विश्वस्त मंडळाची निवडणूक बिनविरोध झाली. एक विचार घेऊन आपण सर्वजण काम करत असून, पुढेही एकविचाराने काम करून संस्थेच्या भरभराटीसाठी प्रयत्न करू, असे अध्यक्ष प्रतापराव पवार व नवनिर्वाचित कार्यकारी विश्वस्त तुषार रंजनकर यांनी नमूद केले.
