नवी दिल्ली-
इंडिया बुलियन अँड ज्वेलर्स असोसिएशन (IBJA) च्या वेबसाइटनुसार, आज म्हणजेच बुधवारी (5 एप्रिल) सोन्याने आपला नवा उच्चांक गाठला आहे. आज सराफा बाजारात सोने 1,262 रुपयांनी महाग होऊन 60,977 रुपयांवर पोहोचले आहे. यापूर्वी 31 मार्च रोजी सोन्याने 59,751 रुपये प्रति 10 ग्रॅमचा उच्चांक गाठला होता.
याशिवाय चांदीनेही 74 हजारांचा टप्पा पार केला आहे. IBJA नुसार, आज सराफा बाजारात चांदी 2,822 रुपयांनी महागली आणि 74,522 रुपयांवर पोहोचली. चांदीच्या दराची ही 31 महिन्यानंतरची उच्च पातळी आहे.
कॅरेटनुसार सोन्याचे दर घ्या जाणून
| कॅरेट | किंमत (रुपये/10 ग्रॅम) |
| 24 | 60,977 |
| 23 | 60,733 |
| 22 | 55,855 |
| 18 | 45,733 |
सोन्याचे दर जाऊ शकतात 65 हजारांपर्यंत
केडिया अॅडव्हायझरीचे संचालक अजय केडिया यांच्या मते, 2020 मध्ये सुरू झालेली गोल्ड सुपर सायकल अजूनही सुरू आहे. या वर्षी सोने 62,000 पर्यंत पोहोचण्याचा अंदाज होता, परंतु सध्याच्या परिस्थिती पाहता ते 64,000 पर्यंत पोहोचू शकते.
IIFL सिक्युरिटीजचे उपाध्यक्ष अनुज गुप्ता सांगतात की, शेअर बाजारात सुरू असलेल्या चढ-उतारामुळे सोन्याला आधार मिळत आहे. यामुळे या वर्षाच्या अखेरीस सोन्याचा दर 65 हजार रुपये प्रति 10 ग्रॅमवर जाऊ शकतो.
सोन्याचा भाव 10 वर्षात दुपटीने वाढला आहे
गेल्या 10 वर्षात सोन्याने 110% पेक्षा जास्त परतावा दिला आहे. एप्रिल 2013 मध्ये सोन्याचा दर 29 हजार रुपये होता, तो आता 61 हजार रुपये प्रति 10 ग्रॅमवर पोहोचला आहे. गेल्या वर्षी 20 एप्रिल 2022 रोजी सोन्याचा भाव 51 हजार रुपये होता. म्हणजेच गेल्या 1 वर्षातच सोन्याने सुमारे 20% परतावा दिला आहे.
गेल्या 10 वर्षात सोन्याच्या भावात झाला बदल
| दिनांक | किंमत |
| 5 एप्रिल 2013 | 29,704 |
| 5 एप्रिल 2014 | 28,246 |
| 5 एप्रिल 2015 | 26,597 |
| 5 एप्रिल 2016 | 28,655 |
| 5 एप्रिल 2017 | 28,677 |
| 5 एप्रिल 2018 | 30,350 |
| 5 एप्रिल 2019 | 31,601 |
| 5 एप्रिल 2020 | 43,712 |
| 5 एप्रिल 2021 | 45,023 |
| 5 एप्रिल 2022 | 51,401 |
| 5 एप्रिल 2023 | 60,977 |
रुपये प्रति 10 ग्रॅम किंमत
(स्रोत: गोल्ड प्राईज इंडिया डॉट कॉम आणि इंडिया बुलियन आणि ज्वेलर्स असोसिएशन)
