पुणे-दापोडीयेथील अग्रसेन भवनमध्ये अग्रसेन भगवान चॅरिटेबल फाऊंडेशन आणि अग्रवाल समाज दापोडी यांच्यासंयुक्त विद्यमाने अग्रवाल समाजाचा वधू वर परिचय मेळावा उत्साहात संपन्न झाला . या मेळाव्याचे उदघाटन अग्रकुल प्रवर्तक महाराजा श्री अग्रसेन महाराज यांच्या प्रतिमेस पुष्पहार अर्पण करून करण्यात आले . या मेळाव्यामध्ये मोठ्या संख्येने वधू , वर , विधवा , विधुर , विकलांग आणि घटस्फोटित वधू वर सहभागी होऊन आपला परिचय करून दिला . तसेच पालकवर्ग देखील उपस्थित होते .
दापोडी येथे पहिल्यांदा अग्रवाल समाजाचा वधू वर परिचय मेळावा आयोजित करण्यात आला होता . राज्यभरातून या मेळाव्यास १८० वर व ७० वधू सहभागी झाले होते . या मेळाव्यामध्ये पुणे , मुंबई , सातारा , कोल्हापूर , अकोला , नागपूर , हुबळी , रायपूर , नाशिक आदी भागामधून अग्रवाल समाजबांधव मोठ्या संख्येने उपस्थित होते . या मेळाव्यामध्ये २५ विवाह जमले .
या मेळाव्याचे सूत्रसंचालन राजेश अग्रवाल आणि शीला अग्रवाल यांनी केले . या मेळाव्यास प्रमुख पाहुणे म्हणून नगरसेविका आशा शेंडगे , जयकिशन अग्रवाल , सरला गोकुळ महाजन , राजेंद्र गर्ग , मुकेश मित्तल , डॉ. अशोक अग्रवाल , सतपाल गोयल , नरेंद्र बंसल , सुभाष सिंघल , सुधीर अग्रवाल , विजय मित्तल , विनोद जालान , रितेश सिंघल , रतनलाल गोयल , वेदप्रकाश गुप्ता , संदीप गुप्ता , अनिल अग्रवाल , शामा गोयल व शशि अग्रवाल आदी मान्यवर उपस्थित होते .
