पुणे- गुरु पौर्णिमा आज येथे विविध धार्मिक कार्यक्रमांनी उत्साहात साजरी करण्यात आली . यामध्ये सोमवार पेठमधील सयाजीनाथ माळी महाराज मठात भाविकांनी गर्दी केली होती . यावेळी मठात अभिषेक करण्यात आला . त्यानंतर महापूजा करण्यात आली . मठात फुलांची आकर्षक सजावट करण्यात आली होती . भाविकांनी प्रसादाचा लाभ घेतला .
नरपतगीर चौकातील श्री साईसेवा प्रतिष्ठानच्यावतीने विविध धार्मिक कार्यक्रमांनी गुरु पौर्णिमा उत्साहात साजरी करण्यात आली . यावेळी शंकर महाराज मठातील पुजारी शंकर महाराज यांच्याहस्ते पूजा करण्यात आली . यावेळी अभिषेक , लघुरुद्र आणि सत्यनारायण महापूजा करण्यात आली . सायंकाळी फराळ आणि दुग्धपान लाभ साईभक्तानी घेतला . सर्व साई भक्तांनी प्रसादाचा लाभ घेतला . या कार्यक्रमाचे संयोजन दिलीप बहिरट , गोपी कुरवर , विशाल नाटेकर , संदीप शिंदे , प्रतिक साळवे , मुन्ना ढोले , आदित्य कोळके , विराज लोहकरे आदींनी विशेष परिश्रम घेतले .
भवानी पेठ मधील जानाई मळ्यामध्ये श्री स्वामी समर्थ मठात गुरुपौर्णिमा उत्सव साजरा करण्यात आला . सालाबादप्रमाणे यंदाच्या वर्षी या उत्सवाचे आयोजन करण्यात आले होते . यावेळी स्वामी समर्थ भजनी मंडळाचा भजनाचा कार्यक्रम झाला . त्यानंतर अन्नदान करण्यात आले . कार्यक्रमाचे संयोजन विशाल भोसले , भारत भोसले , मुन्ना शेख , बबलू सय्यद , निसार शेख , मनोज सूर्यवंशी , नवनाथ रायकर , हणमंत पाटील , पवन म्हेत्रे आदींनी केले होते . यावेळी नगरसेवक संजय बालगुडे , नगरसेवक अजय खेडेकर , , नगरसेविका अर्चना तुषार पाटील , नगरसेवक बापू कांबळे , शंतनू कांबळे आदी मान्यवर उपस्थित होते .
