पुणे-परदेशातील शिक्षणासाठी आर्थिक मदत करणार असे प्रतिपादन महाराष्ट्र राज्याचे सामाजिक न्याय राज्यमंत्री दिलीप कांबळे यांनी केले . वानवडीमधील महात्मा फुले सांस्कृतिक भवनमध्ये परफेकट शिक्षण संस्थेच्यावतीने दहावी बारावीच्या विद्यार्थ्यांना मार्गदर्शन तसेच , पारितोषिक वितरण सोहळा संपन्न झाला .
या कार्य्रक्रमास परफ़ेक्ट शिक्षण संस्थेचे संस्थापक इरफान सय्यद , पुणे महानगरपालिकेचे सभागृह नेते श्रीनाथ भिमाले , नगरसेविका कालिंदा पुंडे , महेश पुंडे , नगरसेवक ऍड हाजी गफूर पठाण , नगरसेविका हमीदा अनिस सुंडके , हसीना इनामदार , तब्बसूम शेख , माजी नगरसेवक रईस सुंडके , अदनान शेख आदी मान्यवर उपस्थित होते.
यावेळी महाराष्ट्र राज्याचे सामाजिक न्याय राज्यमंत्री दिलीप कांबळे यांनी सांगितले कि , विद्यार्थ्यांनी दहावी बारावी परीक्षेमध्ये चांगले गुण मिळवून यश मिळवावे . विद्यार्थ्यांना उच्च शिक्षणासाठी राज्य शासनाकडून आपण स्कॉलरशिप मिळवून देउ . आपली परीक्षा जवळ येऊन ठेपली आहे . त्यामुळे विद्यार्थ्यांनी जास्तीत जास्त वेळेचा सदोपयोग करून अभ्यास करावा . परीक्षेच्या दरम्यान विद्यार्थ्यांनी मोबाइलपासून दूर राहावे .
हा कार्यक्रम यशस्वी करण्यासाठी परफ़ेक्ट शिक्षण संस्थेचे संस्थापक इरफान सय्यद , मोईज खान , सानिया दलाल, मोहमदअली शेख , उमर शेख व सिद्रा शेख आदींनी विशेष परिश्रम घेतले .
